AQSh prezidenti Donald Tramp Nobel beibitshilik syilyǵynyń medalin alǵanyn málimdedi. Bul týraly amerikalyq kóshbasshy Truth Social áleýmettik jelisindegi paraqshasynda jazdy, dep habarlaidy Dalanews.kz.
Tramp Venesýela oppozitsiiasynyń saiasatkeri Mariia Korina Machadomen kezdesýi eki saǵattan astam ýaqytqa sozylǵanyn aitty.
«Búgin Venesýeladan kelgen Mariia Korina Machadomen kezdesý men úshin úlken mártebe boldy. Ol – talai synaqtan ótken erekshe áiel. Mariia meniń atqarǵan jumysym úshin Nobel beibitshilik syilyǵyn maǵan tabystady. Bul – ózara qurmettiń tamasha belgisi. Raqmet saǵan, Mariia», - dep jazdy Donald Tramp Truth Social jelisinde.
Aita keteiik, buǵan deiin Venesýela prezidenti Nikolas Madýro bilikti kúshtep basyp aldy degen jaǵdai aiasynda Tramp Machadonyń el ishinde qoldaýy joq ekenin málimdegen bolatyn. Al Machadonyń ózi Tramptyń Venesýelaǵa qarsy shabýyly úshin Nobel beibitshilik syilyǵyna laiyq ekenin aitqan.
Degenmen Nobel komiteti bul múmkin emes ekenin atap ótti. Komitettiń túsindirýinshe, syilyq berilgennen keiin ony keri qaitaryp alý, bólisý nemese basqa adamǵa berý qarastyrylmaǵan.
