اقش پرەزيدەنتٸ دونالد ترامپ نوبەل بەيبٸتشٸلٸك سىيلىعىنىڭ مەدالٸن العانىن مەلٸمدەدٸ. بۇل تۋرالى امەريكالىق كٶشباسشى Truth Social ەلەۋمەتتٸك جەلٸسٸندەگٸ پاراقشاسىندا جازدى, دەپ حابارلايدى Dalanews.kz.
ترامپ ۆەنەسۋەلا وپپوزيتسيياسىنىڭ ساياساتكەرٸ مارييا كورينا ماچادومەن كەزدەسۋٸ ەكٸ ساعاتتان استام ۋاقىتقا سوزىلعانىن ايتتى.
«بٷگٸن ۆەنەسۋەلادان كەلگەن مارييا كورينا ماچادومەن كەزدەسۋ مەن ٷشٸن ٷلكەن مەرتەبە بولدى. ول – تالاي سىناقتان ٶتكەن ەرەكشە ەيەل. مارييا مەنٸڭ اتقارعان جۇمىسىم ٷشٸن نوبەل بەيبٸتشٸلٸك سىيلىعىن ماعان تابىستادى. بۇل – ٶزارا قۇرمەتتٸڭ تاماشا بەلگٸسٸ. راقمەت ساعان, مارييا», - دەپ جازدى دونالد ترامپ Truth Social جەلٸسٸندە.
ايتا كەتەيٸك, بۇعان دەيٸن ۆەنەسۋەلا پرەزيدەنتٸ نيكولاس مادۋرو بيلٸكتٸ كٷشتەپ باسىپ الدى دەگەن جاعداي اياسىندا ترامپ ماچادونىڭ ەل ٸشٸندە قولداۋى جوق ەكەنٸن مەلٸمدەگەن بولاتىن. ال ماچادونىڭ ٶزٸ ترامپتىڭ ۆەنەسۋەلاعا قارسى شابۋىلى ٷشٸن نوبەل بەيبٸتشٸلٸك سىيلىعىنا لايىق ەكەنٸن ايتقان.
دەگەنمەن نوبەل كوميتەتٸ بۇل مٷمكٸن ەمەس ەكەنٸن اتاپ ٶتتٸ. كوميتەتتٸڭ تٷسٸندٸرۋٸنشە, سىيلىق بەرٸلگەننەن كەيٸن ونى كەرٸ قايتارىپ الۋ, بٶلٸسۋ نەمەسە باسقا ادامعا بەرۋ قاراستىرىلماعان.
