"Ashyq júiesin engizgeli "qyzyl" jáne "sary" mártebesi bar 46 067 adam anyqtaldy. Olardyń ishinde 29 930-dyń PTR-testi oń nátije kórsetken eken. Qalǵany - naýqastarmen bailanysta bolǵandar. Bul statistika keibir adamdardyń úide oqshaýlaný rejimin saqtamai, halyq kóp jinalatyn jerge baryp júrgenin kórsetip otyr. Osylaisha, ainaladaǵy adamdarǵa qaýip tóndiredi", - dedi Tsoi úkimettiń búgingi otyrysynda.
Oǵan qosa, shekteý sharalaryna qaramastan, toi-tomalaq tyiylmai tur. Ondai jiyndarǵa adam kóp jinalady. Al sanitarlyq erejeler saqtalmaidy.
"Osyǵan bailanysty monitoringtik toptardyń jumysyn kúsheitýdi suraimyn", - dep atap kórsetti Tsoi.
Sondai-aq, ministr epidemiologiialyq jaǵdaidy odan ary turaqtandyrý úshin berneshe usynys jasady. Olar:
• "qoiý qyzyl" jáne "qyzyl" aimaqtarda demalys kúngi lokdaýndy jalǵastyrý;
• monitoringtik toptar jumysyn kúsheitý;
• halyqty vaktsinalaýdan kóptep ótkizý;
• halyq arasynda túsindirý jumysyn kúsheitý;
• kásipkerler usynysy negizinde Ashyq kóshbasshylary úshin tiisti talaptardy jetildirý.
