Qazaqstannyń Energetika ministrligi munai-gaz salasynda kelisimsharttyq mindettemelerdiń jappai buzylǵanyn anyqtady, dep habarlaidy Dalanews.kz.
2025 jyldyń maýsymynan beri júrgizilgen tekseristerdiń nátijesinde kompaniialarǵa salynǵan aiyppuldar men bereshekterdiń jalpy somasy 50 mlrd teńgege jetken. Onyń tek shamamen 1 mlrd teńgesi ǵana ótelgen.
Búginde elde kómirsýtekterdi barlaý men óndirýge bailanysty 327 kelisimshart bar: onyń 133-i – barlaýǵa, 12-si – daiyndyq kezeńine, 182-si – óndirýge arnalǵan.
Tekserister bastalǵaly beri ministrlik kompaniialarǵa 160-tan astam eskertý joldady. Tek 2024 jyldyń ózinde aiyppul kólemi 19 mlrd teńgeni quraǵan.
Sonymen qatar 2025 jyldyń toǵyz aiynda mindettemelerdi oryndamaǵany úshin 11 kelisimsharttyń kúshi joiyldy. Vedomstvo ókilderiniń aitýynsha, bereshekterdi óndirý jumysy jalǵasýda.
Buǵan deiin Energetika ministrligi munai-gaz salasyndaǵy jospardan tys tekseristerdiń nátijesinde jer qoinaýyn paidalanýshylarǵa 103,3 mlrd teńge aiyppul salynǵanyn habarlaǵan edi. Onyń 93,4 mlrd teńgesi sol kezde óndirip alynǵan bolatyn.
