قازاقستاننىڭ ەنەرگەتيكا مينيسترلىگى مۇناي-گاز سالاسىندا كەلىسىمشارتتىق مىندەتتەمەلەردىڭ جاپپاي بۇزىلعانىن انىقتادى، دەپ حابارلايدى Dalanews.kz.
2025 جىلدىڭ ماۋسىمىنان بەرى جۇرگىزىلگەن تەكسەرىستەردىڭ ناتيجەسىندە كومپانيالارعا سالىنعان ايىپپۇلدار مەن بەرەشەكتەردىڭ جالپى سوماسى 50 ملرد تەڭگەگە جەتكەن. ونىڭ تەك شامامەن 1 ملرد تەڭگەسى عانا وتەلگەن.
بۇگىندە ەلدە كومىرسۋتەكتەردى بارلاۋ مەن وندىرۋگە بايلانىستى 327 كەلىسىمشارت بار: ونىڭ 133ء-ى – بارلاۋعا، 12ء-سى – دايىندىق كەزەڭىنە، 182ء-سى – وندىرۋگە ارنالعان.
تەكسەرىستەر باستالعالى بەرى مينيسترلىك كومپانيالارعا 160-تان استام ەسكەرتۋ جولدادى. تەك 2024 جىلدىڭ وزىندە ايىپپۇل كولەمى 19 ملرد تەڭگەنى قۇراعان.
سونىمەن قاتار 2025 جىلدىڭ توعىز ايىندا مىندەتتەمەلەردى ورىنداماعانى ءۇشىن 11 كەلىسىمشارتتىڭ كۇشى جويىلدى. ۆەدومستۆو وكىلدەرىنىڭ ايتۋىنشا، بەرەشەكتەردى ءوندىرۋ جۇمىسى جالعاسۋدا.
بۇعان دەيىن ەنەرگەتيكا مينيسترلىگى مۇناي-گاز سالاسىنداعى جوسپاردان تىس تەكسەرىستەردىڭ ناتيجەسىندە جەر قويناۋىن پايدالانۋشىلارعا 103،3 ملرد تەڭگە ايىپپۇل سالىنعانىن حابارلاعان ەدى. ونىڭ 93،4 ملرد تەڭگەسى سول كەزدە ءوندىرىپ الىنعان بولاتىن.
