Atyraý oblysynyń Jańgeldi aýylynda bir otbasynyń tórt múshesin qatygezdikpen óltirdi dep aiyptalǵan Sultan Sársemáliev ómir boiyna bas bostandyǵynan aiyryldy, dep habarlaidy dalanews.kz.
Sot úkimine deiin memlekettik aiyptaýshy da sottalýshyǵa dál osyndai jaza taǵaiyndaýdy suraǵan bolatyn. Prokýror ony eki nemese odan da kóp adamdy asa qatygezdikpen jáne paidakúnemdik nietpen óltirdi degen bap boiynsha ómir boiyna sottaýdy talap etti. Budan bólek, oǵan ózge de baptar boiynsha aiyp taǵylǵan.
Eske salaiyq, Jańgeldi aýylyndaǵy qaiǵyly oqiǵa ótken jyldyń sońynda bolǵan edi.
Tergeý nusqasyna sáikes, Sultan Sársemáliev burynǵy jubaiy Aqbaian Muqanǵalievanyń ata-anasyn, týǵan aǵasy men qaryndasyn asa qatygezdikpen óltirgen. Bul oqiǵa qoǵamda úlken rezonans týdyryp, keńinen talqylanǵan bolatyn.
