Marqum Kemel Toqaevqa meniń alty alasy, bes beresim joq. Ózim de aqsaqal jasyna jetken adammyn. Qazaqtyń detektiv janryn qalyptastyrǵan uly jazýshy ǵoi. Biraq, baýyryndaǵy balasyn óz tilin syilamaityndai osynshalyqty deńgeide tárbielegenine tańǵalyp otyrǵan jaiym bar. Oǵan ǵana emes, talai ziialyǵa...Talai ziialynyń balasyna...
Ótkende Qasymjomartty kórdim, telearnadan. Bir ministrden qazaqsha sóileýdi talap etken depýtatqa jekip tastady. Jaman kórinedi eken.
Álgi Aslan Sárinjipov degen jas bala Bilim ministri bolǵaly bir-eki ret qana qazaqsha málimdeme jasapty.
Soǵan Sársenbai degen depýtat oryndy syn aitty: «Memlekettik tilde baiandama jasaýyńyz kún ótken saiyn sirep barady», – dedi.
Durys, aitý – maqsat. Esinde júredi. Biraq, mynany qaramaisyz ba?!
«Depýtat Eńsegenov, zańǵa bailanysty suraq qoiý kerek. Sizdiń suraǵyńyzdyń zańǵa eshqandai bailanysy joq», – dedi osy arada Toqaev. Osynyń bárin tyńdap otyrmyn. Álgi Eńsegenovtiń túri buzylyp ketti. Toqaevtan syn estigen sonshalyqty aýyr bolar ma edi. Keshirim surady.
Negizinde, durys aitty. Onyń «durys aitqany» Toqaevqa unaǵan joq, biraq. Baiqaǵanym, oryssha sóilep, oryssha oilaityndardyń kópshiliginde qazaq tiline degen ishtei qarsylyq bar. Sol qarsylyq qazir syrtqa shyǵyp jatyr. Toqaevtyń sózi sonyń bir dáleli.
Ol jaman dástúrdi bastap berdi. Erteń ózgeleri Qasymjomarttan kórgenin isteidi. «Zańǵa bailanysty suraq qoiý kerek» deidi. Bilemiz, bulai aitatyndar kóp.
Sonda memlekettik tilde sóileýdi talap etý zańǵa qaishy ma?
Jumash ShÚIKENOV,
«Qala men Dala» gazetiniń turaqty oqyrmany
