مارقۇم كەمەل توقايەۆقا مەنىڭ التى الاسى، بەس بەرەسىم جوق. ءوزىم دە اقساقال جاسىنا جەتكەن اداممىن. قازاقتىڭ دەتەكتيۆ جانرىن قالىپتاستىرعان ۇلى جازۋشى عوي. ءبىراق، باۋىرىنداعى بالاسىن ءوز ءتىلىن سىيلامايتىنداي وسىنشالىقتى دەڭگەيدە تاربيەلەگەنىنە تاڭعالىپ وتىرعان جايىم بار. وعان عانا ەمەس، تالاي زيالىعا...تالاي زيالىنىڭ بالاسىنا...
وتكەندە قاسىمجومارتتى كوردىم، تەلەارنادان. ءبىر مينيستردەن قازاقشا سويلەۋدى تالاپ ەتكەن دەپۋتاتقا جەكىپ تاستادى. جامان كورىنەدى ەكەن.
الگى اسلان ءسارىنجىپوۆ دەگەن جاس بالا ءبىلىم ءمينيسترى بولعالى بىر-ەكى رەت قانا قازاقشا مالىمدەمە جاساپتى.
سوعان سارسەنباي دەگەن دەپۋتات ورىندى سىن ايتتى: «مەملەكەتتىك تىلدە بايانداما جاساۋىڭىز كۇن وتكەن سايىن سيرەپ بارادى»، – دەدى.
دۇرىس، ايتۋ – ماقسات. ەسىندە جۇرەدى. ءبىراق، مىنانى قارامايسىز با؟!
«دەپۋتات ەڭسەگەنوۆ، زاڭعا بايلانىستى سۇراق قويۋ كەرەك. ءسىزدىڭ سۇراعىڭىزدىڭ زاڭعا ەشقانداي بايلانىسى جوق»، – دەدى وسى ارادا توقايەۆ. وسىنىڭ ءبارىن تىڭداپ وتىرمىن. الگى ەڭسەگەنوۆتىڭ ءتۇرى بۇزىلىپ كەتتى. توقايەۆتان سىن ەستىگەن سونشالىقتى اۋىر بولار ما ەدى. كەشىرىم سۇرادى.
نەگىزىندە، دۇرىس ايتتى. ونىڭ «دۇرىس ايتقانى» توقايەۆقا ۇناعان جوق، ءبىراق. بايقاعانىم، ورىسشا سويلەپ، ورىسشا ويلايتىنداردىڭ كوپشىلىگىندە قازاق تىلىنە دەگەن ىشتەي قارسىلىق بار. سول قارسىلىق ءقازىر سىرتقا شىعىپ جاتىر. توقايەۆتىڭ ءسوزى سونىڭ ءبىر دالەلى.
ول جامان ءداستۇردى باستاپ بەردى. ەرتەڭ وزگەلەرى قاسىمجومارتتان كورگەنىن ىستەيدى. «زاڭعا بايلانىستى سۇراق قويۋ كەرەك» دەيدى. بىلەمىز، بۇلاي ايتاتىندار كوپ.
سوندا مەملەكەتتىك تىلدە سويلەۋدى تالاپ ەتۋ زاڭعا قايشى ما؟
جۇماش شۇيكەنوۆ،
«قالا مەن دالا» گازەتىنىڭ تۇراقتى وقىرمانى
