Prezidenttiń keńesshisi Zúlfiia Súleimenova áleýmettik jelidegi paraqshasynda Dýbaida júrgen sátinen videolar jariialady, - dep habarlaidy Dalanews.kz.
Jas sheneýnik qymbat kiimder kiip alǵanyn aitýdy da umytpady.
"Qurmetti dostar, biz qazir Dýbaidamyz. Halyqtan, jurttan uiat bolmasyn dep ózimniń eń qymbat-qymbat degen zattarymdy kiip aldym. Qazir bir oryndy taýyp, shamaly jumys istep, túski asymdy iship, odan ári áýejaiǵa qaitamyn. Osynda bolǵannan keiin sizderge de bir kórsetip jibereiin dep edim", - deidi videoda ol.
Aita keteiik, Qazaqstannan arnaiy delegatsiia Saýd Arabiiasyna One Water sammitine qatysýǵa barǵan edi.
Al orman órtteri kezinde halyqtyń synyna qalǵan Súleimenova eńbek jolyn 2014 jyly Jahandyq saiasat jáne qaýipsizdik ortalyǵynyń óńirlik jáne jahandyq qaýipsizdik bóliminiń ǵylymi qyzmetkeri bolyp bastaǵan.
2020-2021 jyldary Ekologiia, geologiia jáne tabiǵi resýrstar ministrliginde basshylyq qyzmetter atqarǵan bolatyn. Al keiin ministr laýazymyna taǵaiyndaldy.
2023 jyly Toqaev kóp sheneýnikti qyzmetinen bosatty. Onyń ishinde Súleimenova da bar. Osylaisha ol ekologiia jáne tabiǵi resýrstar ministri laýazymynan bosatylyp, ile shala 21 qyrkúiekte Prezidenttiń keńesshisi - Prezidenttiń halyqaralyq ekologiialyq yntymaqtastyq jónindegi arnaýly ókili laýazymyna taǵaiyndaldy.
Byltyrǵy Abai oblysyndaǵy orman órtinde Súleimenova jurt nazarynda boldy. Bas prokýratýra Abai oblysyndaǵy órtke qatysty Ilin, Súleimenova jáne Uranhaevtan jaýap alynatynyn málimdedi.
Onyń Abai oblysyndaǵy orman órtinen qaza tapqandardyń týystarymen kezdeskende jylaǵany da jurt esinde.
Jýrnalister bir kezdere Súleimenovadan osy qylyǵy jaiynda "Bul álsizdikke jatpai ma" nemese "Jumystaǵy olqylyqty moiyndaý emes pe?" dep te surady.
"Jylaýdy álsizdik dep eseptemeitin. Men shynaiy adammyn, meniń otbasylarǵa shyn júrekten janym aýyrdy, óitkeni olar jaqyn adamdarynan aiyryldy, eki otbasynda áke men bala qaza tapty... Men osy otbasylardyń bárine bardym. Olar orman sharýashylyǵynda jumys istedi. Men muny kezdesýde bolǵan kezde bildim be? Iá, árine, men shyn júrekten janym ashydy jáne shynaiy janarshylyqty adamnyń álsizdigi dep oilamaimyn", - dep jaýap berdi bul saýalǵa ol.
