پرەزيدەنتتىڭ كەڭەسشىسى ءزۇلفيا سۇلەيمەنوۆا الەۋمەتتىك جەلىدەگى پاراقشاسىندا دۋبايدا جۇرگەن ساتىنەن ۆيدەولار جاريالادى، - دەپ حابارلايدى Dalanews.kz.

جاس شەنەۋنىك قىمبات كيىمدەر كيىپ العانىن ايتۋدى دا ۇمىتپادى.

"قۇرمەتتى دوستار، ءبىز ءقازىر دۋبايدامىز. حالىقتان، جۇرتتان ۇيات بولماسىن دەپ ءوزىمنىڭ ەڭ قىمبات-قىمبات دەگەن زاتتارىمدى كيىپ الدىم. ءقازىر ءبىر ورىندى تاۋىپ، شامالى جۇمىس ىستەپ، تۇسكى اسىمدى ءىشىپ، ودان ءارى اۋەجايعا قايتامىن. وسىندا بولعاننان كەيىن سىزدەرگە دە ءبىر كورسەتىپ جىبەرەيىن دەپ ەدىم"، - دەيدى ۆيدەودا ول.

ايتا كەتەيىك، قازاقستاننان ارنايى دەلەگاسيا ساۋد ارابياسىنا One Water سامميتىنە قاتىسۋعا بارعان ەدى.

ال ورمان ورتتەرى كەزىندە حالىقتىڭ سىنىنا قالعان سۇلەيمەنوۆا ەڭبەك جولىن 2014 جىلى جاھاندىق ساياسات جانە قاۋىپسىزدىك ورتالىعىنىڭ وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى بولىپ باستاعان.

2020-2021 جىلدارى ەكولوگيا، گەولوگيا جانە تابيعي رەسۋرستار مينيسترلىگىندە باسشىلىق قىزمەتتەر اتقارعان بولاتىن. ال كەيىن مينيستر لاۋازىمىنا تاعايىندالدى.

2023 جىلى توقايەۆ كوپ شەنەۋنىكتى قىزمەتىنەن بوساتتى. ونىڭ ىشىندە سۇلەيمەنوۆا دا بار. وسىلايشا ول ەكولوگيا جانە تابيعي رەسۋرستار ءمينيسترى لاۋازىمىنان بوساتىلىپ، ىلە شالا 21 قىركۇيەكتە پرەزيدەنتتىڭ كەڭەسشىسى - پرەزيدەنتتىڭ حالىقارالىق ەكولوگيالىق ىنتىماقتاستىق جونىندەگى ارناۋلى وكىلى لاۋازىمىنا تاعايىندالدى.

بىلتىرعى اباي وبلىسىنداعى ورمان ورتىندە سۇلەيمەنوۆا جۇرت نازارىندا بولدى. باس پروكۋراتۋرا اباي وبلىسىنداعى ورتكە قاتىستى يلين، سۇلەيمەنوۆا جانە ۇرانحايەۆتان جاۋاپ الىناتىنىن مالىمدەدى.

ونىڭ اباي وبلىسىنداعى ورمان ورتىنەن قازا تاپقانداردىڭ تۋىستارىمەن كەزدەسكەندە جىلاعانى دا جۇرت ەسىندە. 

جۋرناليستەر ءبىر كەزدەرە سۇلەيمەنوۆادان وسى قىلىعى جايىندا "بۇل السىزدىككە جاتپاي ما" نەمەسە "جۇمىستاعى ولقىلىقتى مويىنداۋ ەمەس پە؟" دەپ تە سۇرادى.

"جىلاۋدى السىزدىك دەپ ەسەپتەمەيتىن. مەن شىنايى اداممىن، مەنىڭ وتباسىلارعا شىن جۇرەكتەن جانىم اۋىردى، ويتكەنى ولار جاقىن ادامدارىنان ايىرىلدى، ەكى وتباسىندا اكە مەن بالا قازا تاپتى... مەن وسى وتباسىلاردىڭ بارىنە باردىم. ولار ورمان شارۋاشىلىعىندا جۇمىس ىستەدى. مەن مۇنى كەزدەسۋدە بولعان كەزدە ءبىلدىم بە؟ ءيا، ارينە، مەن شىن جۇرەكتەن جانىم اشىدى جانە شىنايى جانارشىلىقتى ادامنىڭ السىزدىگى دەپ ويلامايمىن"، - دەپ جاۋاپ بەردى بۇل ساۋالعا ول.