"Ótken jyldyń kúzinde prezıdent zeınetaqyǵa qosymsha 5 paıyzdyq salym engizý týraly sheshimdi 2023 jylǵa deıin shegerdi. Budan syrt zeınetaqy jınaǵyndaǵy qarajatqa baspana satyp alýǵa múmkindik beretin amaldardy qarastyrýdy tapsyrdy.
Eńbek jáne halyqty áleýmettik qorǵaý mınıstrligi tapsyrmanyń óńin ózgertip, jınaǵy 10-12 mln-nan asatyn turǵyndarǵa ǵana úı alýǵa ruqsat bereıik degen usynys aıtýda. Al olardyń sany nebári 102 myń adam. Úısiz-kúısiz emes, aýqatty, barlyǵynyń basynda baspanasy bolýy ábden múmkin.
Toq eterin aıtqanda Toqaevtyń tapsyrmasy oryndalǵan joq. Buǵan Eńbek jáne halyqty áleýmettik qorǵaý mınıstrligi jaýapty edi. Zeınetaqy jınaǵyndaǵy qarajatqa úı satyp alý qoǵamnyń azǵantaı bóligin ǵana qamtymaýy kerek. Toqaevtyń tapsyrmasyna saı zeınetaqy jınaǵy turǵyndardyń 1 paıyzyna emes, 99 paıyzyna baspana alýǵa jol ashý kerek edi", – deıdi qarjyger.
