"وتكەن جىلدىڭ كۇزىندە پرەزيدەنت زەينەتاقىعا قوسىمشا 5 پايىزدىق سالىم ەنگىزۋ تۋرالى شەشىمدى 2023 جىلعا دەيىن شەگەردى. بۇدان سىرت زەينەتاقى جيناعىنداعى قاراجاتقا باسپانا ساتىپ الۋعا مۇمكىندىك بەرەتىن امالداردى قاراستىرۋدى تاپسىردى.
ەڭبەك جانە حالىقتى الەۋمەتتىك قورعاۋ مينيسترلىگى تاپسىرمانىڭ ءوڭىن وزگەرتىپ، جيناعى 10-12 ملن-نان اساتىن تۇرعىندارعا عانا ءۇي الۋعا رۇقسات بەرەيىك دەگەن ۇسىنىس ايتۋدا. ال ولاردىڭ سانى نەبارى 102 مىڭ ادام. ۇيسىز-كۇيسىز ەمەس، اۋقاتتى، بارلىعىنىڭ باسىندا باسپاناسى بولۋى ابدەن مۇمكىن.
توق ەتەرىن ايتقاندا توقايەۆتىڭ تاپسىرماسى ورىندالعان جوق. بۇعان ەڭبەك جانە حالىقتى الەۋمەتتىك قورعاۋ مينيسترلىگى جاۋاپتى ەدى. زەينەتاقى جيناعىنداعى قاراجاتقا ءۇي ساتىپ الۋ قوعامنىڭ ازعانتاي بولىگىن عانا قامتىماۋى كەرەك. توقايەۆتىڭ تاپسىرماسىنا ساي زەينەتاقى جيناعى تۇرعىنداردىڭ 1 پايىزىنا ەمەس، 99 پايىزىنا باسپانا الۋعا جول اشۋ كەرەك ەدى"، – دەيدى قارجىگەر.
