“General Ermekbaev! Otstavkaǵa jai ketpei búkil tender utqan generaldar men sheneýnikterdiń týysqandaryn aityp ketińiz! El bilý kerek elimizdegi jemqor batyrlardy!
Myń ministr aýyssa da, báribir nátije bolmaidy! Sebebi áskeri qorǵanysty jemqorlyq jaýlap emes, uia salyp torlap alǵan! Kez kelgen eldi basyp alý úshin eń birinshi qarý jaramaq qoimasyn órteitinin tarihtan bilemiz.
Arystaǵy qoima jarylǵanda Ermekbaev “búkil aýyl aimaqqa jaqyn qoimalar kóshiriledi jáne tekserilip qatań baqylaýda bolady” dep ýáde bergen edi. Halyqtyń kóbisi bile bermeitin shyǵar áskerge milliardtaǵan emes trilliondaǵan aqsha bólinetinin”, – dep jazdy qoǵam belsendisi jelide.
Zańger áskeri salada qomaqty qarjy bólinetinin, alaida onyń barar jerine jetpe qaltaǵa ketetinin aityp qynjyldy. Osy rette qarý-jaraq qaýipsizdigine bólingen qarjylar tenderdi joiý kerek degen usynysyn jetkizdi.
“Qarý-jaraq qaýipsizdigine bólingen qarjylar tender arqyly oinatylyp, órtti aldyn alatyn qurǵylardyń arzany ornatylyp nátijesinde tutanǵan zatty sezbei jarylys bolatynyn biri bilse, biri bilmes. Arystaǵy jarylystan soń sabaq almadyq, memleketimizdiń qorǵanysy salasynda tenderdi alyp tastaý kerek!
Áskeri saladaǵy kóptegen jemqorlyqpen tanyspyn! Áskerilerdiń tamaǵy, tipti tegin beriletin kiimderi, páteraqylaryna deiin jemqorlyq jailaǵan!
Barlyǵy tendermen oinatylady, tenderdi utatyndar sol sheneýnikterdiń týysqany. Áskeri sarbazdar bylamaq jep jatsa da olarǵa báribir. Kóp dúnie jazýǵa, ashynyp turyp aitýǵa bolar edi. Qorǵanys salasy elimizdiń qaýipsizdigine qatysty bolǵan soń osymen toqtaiyn!”, – dedi ol.
Aigúl Orynbek memlekettiń qaýipsizdigine nuqsat keltiretin aqparattardy jariialaýdy saqtyqpen qaraýdy eskertti.
“Bizdi shet el tyńshylary da oqyp otyratynyn umytpaýymyz kerek. Ásirese áskeri qorǵanysqa qatysty video men sýretter taratar kezde memleketimizdiń qaýipsizdigin oilańyzdar! Bizge talibandar kelip áýre bolmai-aq qoisa bolady, ishtegi jemqor talibandar jetip jatyr!”, – dep jazdy zańger.
Al general Ermekbaev myrzaǵa aitarym – naǵyz elin súietin ofitser bolsa, búkil jemqorlardyń tizimin el aldyna shyǵarmasańyz da, prezidentke ashyp aityp ketińiz!”, – dep jazdy zańger.
https://dalanews.kz/bas-takyryp/67012-bozhko-lipovtyng-qazaqstanda-orystild
