Qazaqstan Prezidenti Qasym-Jomart Toqaev Resei prezidenti Vladimir Pýtinmen kezdesýde Ýkrainadaǵy soǵysty diplomatiialyq jolmen retteý máselesine qatysty pikir bildirdi, dep habarlaidy dalanews.kz.
Qazaqstan Prezidenti Qasym-Jomart Toqaev Resei prezidenti Vladimir Pýtinmen kezdesýde Ýkrainadaǵy soǵysty diplomatiialyq jolmen retteý máselesine qatysty pikir bildirdi.
Memleket basshysy kelissózderdi qaita jandandyrýdyń bir joly retinde buryn talqylanǵan Ystambul kelisimderine qaita oralýdy usyndy.
"Qaqtyǵysty toqtatyp, “Ystambul formýlasy 2.0”-ge qaita oralýǵa bolatyn shyǵar. Óitkeni dál sol alańda taraptar eleýli nátijelerge jaqyndaǵan edi", – dedi Toqaev.
Prezident Qazaqstannyń Reseimen strategiialyq seriktestik pen odaqtastyq bailanystardy jalǵastyra beretinin atap ótti.
Sonymen qatar ol Ýkrainadaǵy jaǵdaidy basynan-aq memleketaralyq qaqtyǵys retinde baǵalaǵanyn aityp, bul máselede ýkrain halqyna degen qurmettiń ózgermeitinin jetkizdi.
"Biz ýkrain halqyna, onyń mádenieti men tiline árdaiym qurmetpen qaraimyz. Degenmen bul qaqtyǵystyń túpki tabiǵaty kóptegen el úshin, onyń ishinde biz úshin de tolyq aiqyn emes", – dedi Memleket basshysy.
Toqaev sondai-aq Aliaskadaǵy kezdesý barysynda Vladimir Pýtin joǵary diplomatiialyq ikemdilik tanytqanyn atap ótti.
Prezident Qazaqstannyń Resei men Ýkraina arasyndaǵy kelissózderge deldal bolýdan sanaly túrde bas tartqanyn da aitty.
Túrli usynys bolǵanyna qaramastan, men Qazaqstannyń deldal bolýyna kelisken joqpyn. Resei – iri memleket, sondyqtan kún tártibindegi máselelerdi ózi sheshýge qaýqarly dep sanaimyn", dedi Qasym-Jomart Toqaev.
