قازاقستان پرەزيدەنتٸ قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن كەزدەسۋدە ۋكرايناداعى سوعىستى ديپلوماتييالىق جولمەن رەتتەۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى dalanews.kz.
قازاقستان پرەزيدەنتٸ قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن كەزدەسۋدە ۋكرايناداعى سوعىستى ديپلوماتييالىق جولمەن رەتتەۋ مەسەلەسٸنە قاتىستى پٸكٸر بٸلدٸردٸ.
مەملەكەت باسشىسى كەلٸسسٶزدەردٸ قايتا جانداندىرۋدىڭ بٸر جولى رەتٸندە بۇرىن تالقىلانعان ىستامبۇل كەلٸسٸمدەرٸنە قايتا ورالۋدى ۇسىندى.
"قاقتىعىستى توقتاتىپ, “ىستامبۇل فورمۋلاسى 2.0”-گە قايتا ورالۋعا بولاتىن شىعار. ٶيتكەنٸ دەل سول الاڭدا تاراپتار ەلەۋلٸ نەتيجەلەرگە جاقىنداعان ەدٸ", – دەدٸ توقاەۆ.
پرەزيدەنت قازاقستاننىڭ رەسەيمەن ستراتەگييالىق سەرٸكتەستٸك پەن وداقتاستىق بايلانىستاردى جالعاستىرا بەرەتٸنٸن اتاپ ٶتتٸ.
سونىمەن قاتار ول ۋكرايناداعى جاعدايدى باسىنان-اق مەملەكەتارالىق قاقتىعىس رەتٸندە باعالاعانىن ايتىپ, بۇل مەسەلەدە ۋكراين حالقىنا دەگەن قۇرمەتتٸڭ ٶزگەرمەيتٸنٸن جەتكٸزدٸ.
"بٸز ۋكراين حالقىنا, ونىڭ مەدەنيەتٸ مەن تٸلٸنە ەردايىم قۇرمەتپەن قارايمىز. دەگەنمەن بۇل قاقتىعىستىڭ تٷپكٸ تابيعاتى كٶپتەگەن ەل ٷشٸن, ونىڭ ٸشٸندە بٸز ٷشٸن دە تولىق ايقىن ەمەس", – دەدٸ مەملەكەت باسشىسى.
توقاەۆ سونداي-اق الياسكاداعى كەزدەسۋ بارىسىندا ۆلاديمير پۋتين جوعارى ديپلوماتييالىق يكەمدٸلٸك تانىتقانىن اتاپ ٶتتٸ.
پرەزيدەنت قازاقستاننىڭ رەسەي مەن ۋكراينا اراسىنداعى كەلٸسسٶزدەرگە دەلدال بولۋدان سانالى تٷردە باس تارتقانىن دا ايتتى.
تٷرلٸ ۇسىنىس بولعانىنا قاراماستان, مەن قازاقستاننىڭ دەلدال بولۋىنا كەلٸسكەن جوقپىن. رەسەي – ٸرٸ مەملەكەت, سوندىقتان كٷن تەرتٸبٸندەگٸ مەسەلەلەردٸ ٶزٸ شەشۋگە قاۋقارلى دەپ سانايمىن", دەدٸ قاسىم-جومارت توقاەۆ.
