– Belgili ártis Tursynbek Qabatovtyń astanamyzdyń aýlalaryn qardan tazartyp, #BizBirgemiz heshtegimen video jariialaý týraly usynysyn qoldaimyn. Volonter jylyna sai bastama, – dep jazdy prezident Twitter-degi paraqshasyna.
Aita keteiik, astanalyq jastar áleýmettik jelide qar tazalaý chellendjin bastady. Qala turǵyndaryna aýlalaryn tazartyp, videony #Bizbirgemiz heshtegimen jariialaý usynylyp otyr.
Nur-Sultan ákimdigi resmi saitynyń málimetinshe, mundai ideiany volonterler usynǵan. Bastamany Tursynbek Qabatov, jýrnalist Ashat Sadyrbai jáne "Nazar aýdar" teatrynyń qatysýshylary qoldady.
– Bizdiń qalamyz, elimiz – ol bizdiń úlken úiimiz. Ár azamat qala tazalyǵyna, tártibine óz úlesin qosý kerek. Biz kommýnaldyq qyzmetkerlerge osylai kómekteskimiz keledi. Búgin biraz qalyń qar tústi. Biz bul bastamany qoldaimyz jáne de basqa áriptesterimizdi bizdi qoldaýǵa shaqyramyz, – dedi qolyna kúrek alyp, qar tazalaýǵa kirisken Tursynbek Qabatov.
Eske sala ketsek, prezident Qasym-Jomart Toqaevtyń tapsyrmasymen 2020 jyl «Volonter jyly» bolyp jariialanǵan bolatyn.
