Bul án burynǵy ánnen ózgerek degendeı, bul aýdandyq mańyzy bar qalalardyń, aýyldar men kentterdiń jáne aýyldyq okrýgterdiń ákimderin tuńǵysh ret tikeleı saılaý basqa saılaýlardan ózgerek ekenin Prezıdentimiz «aldaǵy saılaý – saıası júıemizdiń kemeline kelgeniniń belgisi ǵana emes, sonymen birge qoǵamymyzdyń demokratıalyq damý jolyna nyq qadam basqanyn bildiredi» dep atap ótýi kezdeısoq emes.
Árıne bul sózsiz Memleket basshysy qabyldaǵan mańyzdy qadamdardyń biri. Sebebi bul reforma jergilikti basqarý júıesine qatysty kózqarasty túbegeıli ózgertip, aýyl turǵyndary ózderiniń kóńilinen shyǵatyn jáne áleýmettik talaptaryn oryndaı alatyn ákimin tańdaıdy.
Jańadan saılanǵan ákim jergilikti halyqtyń qoldaýyna ıe bolsa, ózinen joǵary turǵan aýdan basshysy aldynda da belgili bir saıası salmaqqa ıe bolatyny anyq.
Bul saılaýǵa da elimizdegi jetekshi partıa salmaqty jaýapkershilik jáne úlken daıyndyqpen qatysqaly otyr. Búginde «Nur Otan» partıasy Tóraǵasynyń Birinshi orynbasary Baıbek Baýyrjan Facebook áleýmettik jelisidegi jarıalanymnan baıqaýǵa bolady. Sebebi, elimizde tuńǵysh ret ótkeli otyrǵan bul saılaý tájirıbesine «NurOtan» partıasy barynsha daıyndyqpen kelip otyr.
Birinshiden, barlyq aımaqta «Nur Otan»-nan 587 kandıdat tirkelgen, partıa atynan túsip jatqan úmitkerlerdiń 35 paıyzdan astamy jańartylǵany óte qatty qýantady (kandıdattardyń ortasha jasy – 46 jas, áıelder – 11%, 35 jasqa deıingi jastar – 14%.) jańa quram jańa kózqarastar men sheshimderdiń kepili bolary sózsiz.
Ekinshiden, partıa saılaýda jeńiske jetý ǵana emes, azamattardyń naqty máselelerin sheship, aýyldardyń damýyna júıeli jaǵdaı jasaýdy basty mindet etip qoıyp otyr. Osy maqsatta partıa úmitkerlerdi Saıası menejment mektebiniń bazasynda semınardan ótkizip, qajetti uıymdyq, ádistemelik jáne basqa qoldaýmen qamtamasyz etti. Árqaısysyna aýmaqtyń múmkindigin eskerip, partıa qoldaýymen qamtamasyz etilgen naqty saılaýaldy baǵdarlamasy tujyrymdalǵan.
Sonymen qatar, Baýyrjan Baıbek «Ózgerister joly: Ár azamatqa laıyqty ómir» saılaýaldy baǵdarlamasyn júzege asyrýdyń aralyq nátıjelerimen bólisti.
Májilistegi «Nur Otan» fraksıasynyń bastamasymen saılaýaldy mindettemelerdi iske asyrý jónindegi Jol kartasyna sáıkes 12 zańnamalyq jáne quqyqtyq akti, onyń ishinde 9 zań qabyldandy. Budan basqa saılaýaldy ýádelerdi monıtorıńteý jáne jergilikti jerlerde ózekti máselelerdi ashyp aıtý úshin 12 myńnan astam belsendi azamattyń qatysýymen 1,7 myńnan astam qoǵamdyq keńestiń óńirlik jelisi quryldy, qoǵamdyq keńester memlekettik organdar úshin 250-den astam naqty usynymdar tujyrymdady jáne óńirlik deńgeıde 3,3 myńnan astam ózekti áleýmettik másele qaraldy.
Júıeli qaıta jandandyrý baǵdarlamasy aıasynda aımaqtyq ókildi partıa organdarynyń basshylyǵy 40%-ke jańardy. Partıa Ortalyq apparatynyń qurylymy shtat sany 10%-ke qysqartyla otyryp, ońtaılandyryldy.
Jańa standarttar men qoǵam suranysy eskerile otyryp, sybaılas jemqorlyqqa qarsy kúres odan ári kúsheıtilýde. Jarǵy men Etıka kodeksine sáıkes partıa qataryn «tazartý» jalǵastyrylýda. Qoǵamdyq baqylaýdy kúsheıtý, jergilikti jerde enjarlyqty jeńý, depýtattardyń ashyqtyǵyn qamtamasyz etý úshin bıyldan bastap alǵash ret barlyq deńgeıdegi máslıhattardaǵy «Nur Otan» fraksıalary músheleriniń jarıa reıtıńi engizildi.
Mine, bul jetekshi partıamyzdyń maqsaty aıqyn, naqty ister partıasy ekeniniń taǵy bir kórsetkishi. Partıa Lıderi Nursultan Ábishuly Nazarbaev aıtqandaı, nurotandyqtardyń basty qaǵıdattary – jaýapkershilik, komandalyq rýh, partıa ıdealdary men qundylyqtaryna beriktik.
Sóz sońynda, bárimizdiń qoldaýymen «Nur Otan» partıasy ári qaraı tek qana jeńister men elimizdiń gúldenýi úshin mańyzdy reformalar men salmaqty sheshimderdi júzege asyra berýine tilektespiz!
