«Talqylanady. Álbette, ol óz erkimen ketse, mundai máseleni qarastyrýǵa bolady. Senimdi túrde aita alam. Men barlyq adamdar atynan sóileýim kerek. Bul máselede kópshiliktiń pikiri de eskeriledi», – dep málimdedi ol.
Lýkashenko qaýipsizdiginiń kepili týraly saýalǵa ol prezident «odan da kóp» nárse alady dep jaýap berdi.
Bunyń aldynda Lýkashenko «bilik tastap ketý, tapsyra salý úshin berilmeidi» dep málimdegen.
«Kóp sóz bolmas úshin, er azamat retinde aitaiyn. «Ol bilikti bermeidi» dep synaýshylar bar. Durys. Meni halyq bilikti bere salsyn dep sailaǵan joq. Bilik tastap ketý, tapsyra salý úshin berilmeidi», – dep málimdedi Lýkashenko 10 qyrkúiekte.
Belarýste bir aidan astam ýaqyttan beri jappai narazylyq sherýleri ótip jatyr. Aktsiia Ortalyq sailaý komissiiasynyń prezident sailaýynda Lýkashenko 80 paiyzdan astam daýys jinady dep jariialaǵan soń bastaldy. Svetlana Tihanovskaia shtaby sailaýdyń resmi nátijesin moiyndamady.
