– بەلگىلى ءارتىس تۇرسىنبەك قاباتوۆتىڭ استانامىزدىڭ اۋلالارىن قاردان تازارتىپ، #بىزبىرگەمىز حەشتەگىمەن ۆيدەو جاريالاۋ تۋرالى ۇسىنىسىن قولدايمىن. ۆولونتەر جىلىنا ساي باستاما، – دەپ جازدى پرەزيدەنت Twitter-دەگى پاراقشاسىنا.
ايتا كەتەيىك، استانالىق جاستار الەۋمەتتىك جەلىدە قار تازالاۋ چەللەندجىن باستادى. قالا تۇرعىندارىنا اۋلالارىن تازارتىپ، ۆيدەونى #بىزبىرگەمىز حەشتەگىمەن جاريالاۋ ۇسىنىلىپ وتىر.
نۇر-سۇلتان اكىمدىگى رەسمي سايتىنىڭ مالىمەتىنشە، مۇنداي يدەيانى ۆولونتەرلەر ۇسىنعان. باستامانى تۇرسىنبەك قاباتوۆ، جۋرناليست اسحات سادىرباي جانە "نازار اۋدار" تەاترىنىڭ قاتىسۋشىلارى قولدادى.
– ءبىزدىڭ قالامىز، ەلىمىز – ول ءبىزدىڭ ۇلكەن ءۇيىمىز. ءار ازامات قالا تازالىعىنا، تارتىبىنە ءوز ۇلەسىن قوسۋ كەرەك. ءبىز كوممۋنالدىق قىزمەتكەرلەرگە وسىلاي كومەكتەسكىمىز كەلەدى. بۇگىن ءبىراز قالىڭ قار ءتۇستى. ءبىز بۇل باستامانى قولدايمىز جانە دە باسقا ارىپتەستەرىمىزدى ءبىزدى قولداۋعا شاقىرامىز، – دەدى قولىنا كۇرەك الىپ، قار تازالاۋعا كىرىسكەن تۇرسىنبەك قاباتوۆ.
ەسكە سالا كەتسەك، پرەزيدەنت قاسىم-جومارت توقايەۆتىڭ تاپسىرماسىمەن 2020 جىل «ۆولونتەر جىلى» بولىپ جاريالانعان بولاتىن.
