Qazaqstan Prezidenti Qasym-Jomart Toqaev AQSh Prezidenti Donald Tramppen telefon arqyly sóilesti, dep habarlaidy dalanews.kz.
Áńgime barysynda Memleket basshysy amerikalyq áriptesin AQSh táýelsizdiginiń 250 jyldyǵymen quttyqtap, osy kezeńde eldiń álemdegi jetekshi derjavalardyń birine ainalǵanyn atap ótti.
Qasym-Jomart Toqaev AQSh ákimshiliginiń ishki saiasi baǵyty men Qazaqstanda júzege asyrylyp jatqan «Zań men tártip» qaǵidatyna negizdelgen Ádiletti Qazaqstan qurý strategiiasy arasynda úndestik bar ekenin aitty. Sondai-aq ol Donald Tramp júrgizip otyrǵan saiasatqa qoldaý bildirdi.
Taraptar Qazaqstan men AQSh arasyndaǵy saiasi jáne saýda-ekonomikalyq yntymaqtastyqtyń qazirgi jaǵdaiyn, sondai-aq ony odan ári damytý múmkindikterin talqylady.
Prezident ótken jyldyń qarasha aiynda Vashingtonǵa jasaǵan sapary kezinde qol jetkizilgen ýaǵdalastyqtardyń tabysty júzege asyrylyp jatqanyn atap ótti.
Sonymen qatar Qasym-Jomart Toqaev Qazaqstannyń iadrolyq qarýdy taratpaý jáne baiytylǵan ýrandy baqylaý máselelerindegi ustanymy ózgermeitinin málimdedi. Memleket basshysy bul baǵytta Atom energiiasy jónindegi halyqaralyq agenttikpen yntymaqtastyqtyń mańyzdy ekenin aitty.
Telefon áńgimesinde Aqordada AQSh senatory Stiv Deins, Prezidenttiń arnaýly ókili Serdjio Gor, Aq úidiń basqa da joǵary laýazymdy ókilderi jáne amerikalyq biznes qaýymdastyq múshelerimen ótken kezdesýlerdiń nátijeleri de oń baǵalandy.
Áńgime sońynda Qasym-Jomart Toqaev Donald Trampty ózine qolaily ýaqytta Qazaqstanǵa resmi saparmen kelýge shaqyrdy.
