قازاقستان پرەزيدەنتٸ قاسىم-جومارت توقاەۆ اقش پرەزيدەنتٸ دونالد ترامپپەن تەلەفون ارقىلى سٶيلەستٸ, دەپ حابارلايدى dalanews.kz.
ەڭگٸمە بارىسىندا مەملەكەت باسشىسى امەريكالىق ەرٸپتەسٸن اقش تەۋەلسٸزدٸگٸنٸڭ 250 جىلدىعىمەن قۇتتىقتاپ, وسى كەزەڭدە ەلدٸڭ ەلەمدەگٸ جەتەكشٸ دەرجاۆالاردىڭ بٸرٸنە اينالعانىن اتاپ ٶتتٸ.
قاسىم-جومارت توقاەۆ اقش ەكٸمشٸلٸگٸنٸڭ ٸشكٸ ساياسي باعىتى مەن قازاقستاندا جٷزەگە اسىرىلىپ جاتقان «زاڭ مەن تەرتٸپ» قاعيداتىنا نەگٸزدەلگەن ەدٸلەتتٸ قازاقستان قۇرۋ ستراتەگيياسى اراسىندا ٷندەستٸك بار ەكەنٸن ايتتى. سونداي-اق ول دونالد ترامپ جٷرگٸزٸپ وتىرعان ساياساتقا قولداۋ بٸلدٸردٸ.
تاراپتار قازاقستان مەن اقش اراسىنداعى ساياسي جەنە ساۋدا-ەكونوميكالىق ىنتىماقتاستىقتىڭ قازٸرگٸ جاعدايىن, سونداي-اق ونى ودان ەرٸ دامىتۋ مٷمكٸندٸكتەرٸن تالقىلادى.
پرەزيدەنت ٶتكەن جىلدىڭ قاراشا ايىندا ۆاشينگتونعا جاساعان ساپارى كەزٸندە قول جەتكٸزٸلگەن ۋاعدالاستىقتاردىڭ تابىستى جٷزەگە اسىرىلىپ جاتقانىن اتاپ ٶتتٸ.
سونىمەن قاتار قاسىم-جومارت توقاەۆ قازاقستاننىڭ يادرولىق قارۋدى تاراتپاۋ جەنە بايىتىلعان ۋراندى باقىلاۋ مەسەلەلەرٸندەگٸ ۇستانىمى ٶزگەرمەيتٸنٸن مەلٸمدەدٸ. مەملەكەت باسشىسى بۇل باعىتتا اتوم ەنەرگيياسى جٶنٸندەگٸ حالىقارالىق اگەنتتٸكپەن ىنتىماقتاستىقتىڭ ماڭىزدى ەكەنٸن ايتتى.
تەلەفون ەڭگٸمەسٸندە اقوردادا اقش سەناتورى ستيۆ دەينس, پرەزيدەنتتٸڭ ارناۋلى ٶكٸلٸ سەردجيو گور, اق ٷيدٸڭ باسقا دا جوعارى لاۋازىمدى ٶكٸلدەرٸ جەنە امەريكالىق بيزنەس قاۋىمداستىق مٷشەلەرٸمەن ٶتكەن كەزدەسۋلەردٸڭ نەتيجەلەرٸ دە وڭ باعالاندى.
ەڭگٸمە سوڭىندا قاسىم-جومارت توقاەۆ دونالد ترامپتى ٶزٸنە قولايلى ۋاقىتتا قازاقستانعا رەسمي ساپارمەن كەلۋگە شاقىردى.
