Prezident Qasym-Jomart Toqaev Úkimettiń keńeitilgen otyrysynda sóz sóiledi, dep habarlaidy Dalanews.kz.
Memleket basshysynyń pikirinshe, jazalaýshy mentalitetten arylatyn kez keldi, salyq organdary men salyq tóleýshiler arasynda seriktestik jáne ózara senim qaǵidaty ornyǵýǵa tiis.
"Memleket pen biznestiń tiimdi yqpaldastyǵyn jolǵa qoiý kerek. Mundai seriktestik ádildikke, ózara tiimdilikke, tipti ekonomikany damytýdyń mańyzyn túsiný turǵysynan alǵanda jaýapkershilikke qurylýǵa tiis dep oilaimyn. Bul jóninde jaqynda Turkistan gazetine bergen suhbatymda aittym. Úkimettiń keibir múshelerimen áńgimeden uqqanym, ony bári birdei yqylas qoiyp oqymaǵan sekildi. Qyzylordada ótken Ulttyq quryltai otyrysyndaǵy sózimdi de tolyq túsinbegenderińiz baiqalady. Internet uzaq mátinderdi oqýdan alystatty. Onyń ústine kitaptar men maqalalardy oqymai-aq, mazmunyn tyńdai salatyn múmkindik paida boldy. Biraq bul memlekettik qyzmetkerlerge jaraspaityn ádet. Oqý kerek. Áitpese zeinet jasyna jetken kezde, oilaný qabiletinen aiyrylyp qalasyzdar", - dedi Toqaev.
