پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا سٶز سٶيلەدٸ, دەپ حابارلايدى Dalanews.kz.
مەملەكەت باسشىسىنىڭ پٸكٸرٸنشە, جازالاۋشى مەنتاليتەتتەن ارىلاتىن كەز كەلدٸ, سالىق ورگاندارى مەن سالىق تٶلەۋشٸلەر اراسىندا سەرٸكتەستٸك جەنە ٶزارا سەنٸم قاعيداتى ورنىعۋعا تيٸس.
"مەملەكەت پەن بيزنەستٸڭ تيٸمدٸ ىقپالداستىعىن جولعا قويۋ كەرەك. مۇنداي سەرٸكتەستٸك ەدٸلدٸككە, ٶزارا تيٸمدٸلٸككە, تٸپتٸ ەكونوميكانى دامىتۋدىڭ ماڭىزىن تٷسٸنۋ تۇرعىسىنان العاندا جاۋاپكەرشٸلٸككە قۇرىلۋعا تيٸس دەپ ويلايمىن. بۇل جٶنٸندە جاقىندا Turkistan گازەتٸنە بەرگەن سۇحباتىمدا ايتتىم. ٷكٸمەتتٸڭ كەيبٸر مٷشەلەرٸمەن ەڭگٸمەدەن ۇققانىم, ونى بەرٸ بٸردەي ىقىلاس قويىپ وقىماعان سەكٸلدٸ. قىزىلوردادا ٶتكەن ۇلتتىق قۇرىلتاي وتىرىسىنداعى سٶزٸمدٸ دە تولىق تٷسٸنبەگەندەرٸڭٸز بايقالادى. ينتەرنەت ۇزاق مەتٸندەردٸ وقۋدان الىستاتتى. ونىڭ ٷستٸنە كٸتاپتار مەن ماقالالاردى وقىماي-اق, مازمۇنىن تىڭداي سالاتىن مٷمكٸندٸك پايدا بولدى. بٸراق بۇل مەملەكەتتٸك قىزمەتكەرلەرگە جاراسپايتىن ەدەت. وقۋ كەرەك. ەيتپەسە زەينەت جاسىنا جەتكەن كەزدە, ويلانۋ قابٸلەتٸنەن ايىرىلىپ قالاسىزدار", - دەدٸ توقاەۆ.
