El damýyndaǵy bul baǵdarlardy júzege asyrý úshin qajetti mehanizmderdiń de qalyptasýyna jaǵdai jasaý qajet ekenin aitty.
Sonymen qatar, Memleket basshysy kúzde kezekten tys Prezident sailaýyn ótkizýdi usyndy. Bilikte monopolizatsiiany boldyrmaý jáne usynylyp otyrǵan bir merzimmen shektelgen 7 jyldyq Prezident ókilettigi atalǵan merzimniń josparlanǵan baǵdarlamany atqarý úshin meilinshe jetkilikti dep tanýdy usyndy.
Osy usynys Parlament tarapynan oń sheshim qabyldanǵan jaǵdaida, biyl Prezident sailaýy, kelesi jyly Májilis jáne máslihat depýtattarynyń sailaýy júzege asatyn bolady.
Prezident ókilettiliginiń 7 jyldyq merzimi kórshi Ortalyq Aziia memleketteri tájiribesinde de kezdesedi: Túrkimenstan Respýblikasynyń prezidenttik ókilettilik merzimi 7 jyl, al Ózbekstan Respýblikasynyń Konstitýtsiiasynda (2011 jylǵy konstitýtsiialyq ózgeriske deiin) prezidenttik merzim 7 jyldyq bolatyn.
Qazaqstan Konstitýtsiiasynyń 41-babynyń 1-tarmaǵynda Qazaqstan Respýblikasynyń Prezidenti bes jyldyq merzimge sailanatyndyǵy, al 42-baptyń 5-tarmaǵynda «Bir adam qatarynan eki retten artyq Respýblika Prezidenti bolyp sailana almaidy» dep kórsetilgen.
Osy Joldaýdaǵy Memleket basshysynyń Prezident ókilettiliginiń eki rettik sailaýdan bir merzimdik sailaýǵa aýystyrý usynysynyń negizgi sebebi eldegi bilikte qalyptasqan modeldi jańartý jáne bilik aýysyna jaǵdai jasaý bolyp tabylady.
Memleket basshysy elimizdegi júzege asyrylyp jatqan reformalar qoǵamnyń saiasi jáne ekonomikalyq jańǵyrýyna jol ashatynyna jáne jańa ózgeristerdiń qoǵam igiligine qyzmet etetinine senimin bildirdi.
Meiramkúl ISAEVA, PhD doktoranty
