Prezident Qazaq-qytai iskerlik keńesiniń otyrysynda sóz sóilep, elimizdiń investitsiialyq áleýetin tanystyrdy, dep habarlaidy Dalanews.kz.
Memleket basshysy Qytai Qazaqstannyń taǵdyr qosqan tatý kórshisi, jaqyn dosy jáne máńgilik strategiialyq seriktesi ekenin atap ótti.
Prezidenttiń aitýynsha, ortaq tarih, tereń bailanys pen ózara túsinistik – halyqtarymyzdy biriktiretin myzǵymas qundylyqtar.
– Bizdiń elderimizdiń arasynda árdaiym tereń senim bar, qarym-qatynasymyz qarqyndy jáne tiimdi túrde damýda. Bailanystarymyz jyldan jylǵa nyǵaiyp keledi. Sonyń arqasynda elderimiz berik ári serpindi iskerlik qatynastardyń irgetasyn qalady. Qytai – jahandyq kóshbasshy memleket, Qazaqstannyń túrli baǵyttaǵy, sonyń ishinde saýda salasyndaǵy basty seriktesi. Bul – Tóraǵa Si Tszinpinniń arqasy. Byltyr bizdiń elderimiz arasyndaǵy saýda ainalymy 44 milliard dollarǵa jetti. Bul – eki el tarihynda buryn-sońdy bolmaǵan eń joǵary kórsetkish. Biraq biz munymen toqtap qalmaýymyz kerek. Sondyqtan qytailyq dostarymyzben osy qarqyndy odan ári arttyryp, aldaǵy bes jylda ózara saýda kólemin edáýir ulǵaitýdy josparlap otyrmyz. Buǵan áleýetimiz jetedi. Memleket basshylary deńgeiinde ózara saiasi erik-jiger men ortaq umtylys bar, – dedi Qasym-Jomart Toqaev.Memleket basshysy eki eldiń investitsiialyq yqpaldastyǵy da udaiy keńeiip kele jatqanyna nazar aýdardy.
– Qytai Qazaqstan ekonomikasyna 27 milliard dollar investitsiia saldy. Bul, shyn máninde, óte jaqsy úderis. Sondyqtan osy jumys tabysty túrde jalǵasady dep tolyq senimmen aitýǵa bolady. Bizdiń elimizde qytai kapitaly bar 6 myńnan astam kásiporyn jumys istep jatyr. Olardyń arasynda CNPC, CITIC, SINOPEC, HUAWEI siiaqty álemdik deńgeidegi myqty korporatsiialar bar. Budan bólek, iri jáne orta biznes ókilderi jumys isteidi. Biz barlyǵyna erekshe kóńil aýdaryp jatyrmyz. Qytai Halyq Respýblikasynyń Tóraǵasy, qadirli dosym Si Tszinpin myrzamen birge kóp salaly qazaq-qytai yntymaqtastyǵyn damytý úderisin únemi baqylap otyrmyz. Osy joly Qytai tarapy men bastaǵan qazaq delegatsiiasyna erekshe kóńil bólip, ystyq yqylasymen qonaqjailyq kórsetti. Resmi saparym tiimdi, oidaǵydai ótti dep sanaimyn. Tóraǵa Si Tszinpin myrzamen ótken kelissózder nátijesin óte joǵary baǵalaimyn. Elderimizdiń arasyndaǵy qarym-qatynastyń bolashaǵy jarqyn bolaryna senemin. Osyǵan orai, qurmetti Si Tszinpin Tóraǵaǵa qazaq-qytai bailanystaryn nyǵaitýǵa qosyp jatqan úlesi úshin shynaiy rizashylyǵymdy bildirdim, – dedi Qasym-Jomart Toqaev.
– Qazirgi tańda Qazaqstan turaqty túrde damyp keledi. Bizdiń ekonomikamyz – Ortalyq Aziiadaǵy eń iri ekonomika. Jalpy, jyl saiynǵy ósim qarqyndy dep aitýǵa bolady. Osy jyldyń sońyna qarai jalpy ishki ónim 300 milliard dollardan asady degen boljam bar. Bul – ekonomikany ártaraptandyrý, investitsiialyq ahýaldy jaqsartý jáne t.b. úshin qabyldanǵan keshendi sharalardyń nátijesi. Sondai-aq bul – Qytaimen tabysty qarym-qatynastyń aiqyn kórinisi. Qazaqstanda investorlardyń quqyqtary men múddesin qorǵaý úshin qolaily jaǵdai jasalyp jatyr. Osy maqsatpen Ulttyq tsifrlyq investitsiialyq platforma engizilip jatyr. Sonymen qatar Investitsiialyq shtab jumys isteýde. Bul qurylym shuǵyl sheshimder qabyldap, investorlarǵa jan-jaqty memlekettik qoldaý kórsetedi. Biylǵy maýsym aiynda Tóraǵa Si Tszinpin myrzanyń Qazaqstanǵa sapary barysynda Investitsiialardy kótermeleý jáne ózara qorǵaý týraly kelisimge qol qoiyldy. Eki el arasyndaǵy vizasyz rejim de iskerlik bailanystardy keńeitýge tiimdi yqpal etýde. Shyn máninde, bizdiń strategiialyq seriktestigimizdiń áleýeti zor. Qolda bar múmkindikterdi tolyqqandy paidalaný qajet, – dedi Prezident.
