"Pandemiia kezeńinde jáne memleket pen azamattarymyzdyń tabysy azaiǵan tusta jemqorlyqpen kúresti odan ári kúsheitýimiz kerek.
Halyqaralyq sarapshylardyń aitýy boiynsha memleketter pandemiianyń saldarymen kúreske mol qarajat jumsap jatqan kezde qarjyny maqsatqa sai paidalanbaý jáne jymqyrý qaýpi arta túsedi.
Bólinip jatqan qarajat muqiiat ári tiimdi jumsalýǵa tiis. Bul – ár teńge óziniń maqsatyna sai jumsalýy kerek degen sóz.
Ásirese, qazirgi jaǵdaida esh paidasy joq jáne qajetsiz is-sharalarǵa qarajattyń shyǵyndalýyna qoǵamnyń qalai qaraitynyn kórip otyrmyz.
Sondyqtan, mundai máselelerge bolary bolyp, boiaýy sińgennen keiin emes, aldyn ala mán berý – óte mańyzdy", – dedi Memleket basshysy.
Onyń aitýynsha atyshýly quryqtaýlardyń sońy siyrquiymshaqtanyp ketedi. Daýly istiń aiaǵy dáiektiń azdyǵynan tarqap tynyp, paraqor sheneýnik sot zalynan bosap jatqanyn kórgende qoǵamnyń bilikke degen senimi setinei túsedi.
"Paramen ustalǵan sheneýnikti jazalaýmen ǵana shektelmeý qajet. Sol sheneýnik eńbek etetin memorgandy tutastai tekserip, mundai jaǵdai qaitip qaitalanbas úshin tiisti amal-shara qoldaný kerek", – deidi Toqaev.
Korrýptsiiaǵa qarsy kúres jónindegi Toqaev málimdemesiniń tolyq mátinin tómennen oqi alasyz:
https://dalanews.kz/55558
