Memleket basshysy Qasym-Jomart Toqaev Reseıdegi ushaq apatyna baılanysty Vladımır Pýtınge kóńil aıtty, dep habarlaıdy Dalanews.kz.
"Memleket basshysy Qasym-Jomart Toqaev Amýr oblysyndaǵy ushaq apatyna baılanysty Reseı Federasıasynyń Prezıdenti Vladımır Pýtınge kóńil aıtty", - delingen Aqorda habarlamasynda.
Eske salaıyq, búgin Reseı Federasıasynyń Amýr oblysynda bortynda 43 jolaýshy bolǵan An-24 jolaýshylar ushaǵy radardan joǵalyp ketti. Kóp uzamaı onyń apatqa ushyraǵany belgili boldy.
"Angara" áýe kompanıasyna tıesili, Habarovsk – Blagoveshensk – Tynda baǵytyna qatynaıtyn jolaýshylar ushaǵymen Amýr oblysyna kelgende, ıaǵnı Tynda qalasynyń áýejaıyna birneshe shaqyrym qalǵanda baılanys úzilgen.
Ushaq Tynda áýejaıyna qoný úshin ekinshi ret aınalyp kelýge ketkende radardan joǵalǵan. İzdeý jumystary barysynda An-24-tiń janyp jatqan qaldyqtary atalǵan qaladan 16 shaqyrym qashyqtyqta taýdyń baýraıynan tabyldy. Aldyn ala málimetter boıynsha, borttaǵy barlyq adam qaza tapqan.
