مەملەكەت باسشىسى قاسىم-جومارت توقاەۆ رەسەيدەگٸ ۇشاق اپاتىنا بايلانىستى ۆلاديمير پۋتينگە كٶڭٸل ايتتى, دەپ حابارلايدى Dalanews.kz.
"مەملەكەت باسشىسى قاسىم-جومارت توقاەۆ امۋر وبلىسىنداعى ۇشاق اپاتىنا بايلانىستى رەسەي فەدەراتسيياسىنىڭ پرەزيدەنتٸ ۆلاديمير پۋتينگە كٶڭٸل ايتتى", - دەلٸنگەن اقوردا حابارلاماسىندا.
ەسكە سالايىق, بٷگٸن رەسەي فەدەراتسيياسىنىڭ امۋر وبلىسىندا بورتىندا 43 جولاۋشى بولعان ان-24 جولاۋشىلار ۇشاعى راداردان جوعالىپ كەتتٸ. كٶپ ۇزاماي ونىڭ اپاتقا ۇشىراعانى بەلگٸلٸ بولدى.
"انگارا" ەۋە كومپانيياسىنا تيەسٸلٸ, حاباروۆسك – بلاگوۆەششەنسك – تىندا باعىتىنا قاتىنايتىن جولاۋشىلار ۇشاعىمەن امۋر وبلىسىنا كەلگەندە, ياعني تىندا قالاسىنىڭ ەۋەجايىنا بٸرنەشە شاقىرىم قالعاندا بايلانىس ٷزٸلگەن.
ۇشاق تىندا ەۋەجايىنا قونۋ ٷشٸن ەكٸنشٸ رەت اينالىپ كەلۋگە كەتكەندە راداردان جوعالعان. ٸزدەۋ جۇمىستارى بارىسىندا ان-24-تٸڭ جانىپ جاتقان قالدىقتارى اتالعان قالادان 16 شاقىرىم قاشىقتىقتا تاۋدىڭ باۋرايىنان تابىلدى. الدىن الا مەلٸمەتتەر بويىنشا, بورتتاعى بارلىق ادام قازا تاپقان.
