Qasym-Jomart Toqaev "Prezıdent 2.0" derekti fılminde óziniń prezıdent atanǵan alǵashqy kúnderin eske aldy, dep habarlaıdy Dalanews.kz.
Memleket basshysy reseılik jýrnalıs Alekseı Pıvovarovqa suqbat berdi.
Prezıdent bastapqy kezderi óziniń jańa laýazymyna úırene almaı júrgenin moıyndady.
– Alǵashqy kúnderi jańa laýazymǵa úırene almaı júrgenimdi moıyndaımyn. Ásirese, kópshilik jınalǵan is-sharalarda "Prezıdent!", "Prezıdent!" degende, Nursultan Ábishuly kelip qalǵan shyǵar dep, jan-jaǵyma qaraılaıtyn edim. Biraq bul ýaqytsha ǵana nárse eken. Jaqsy nársege tez úırenesiń. Bul laýazymnyń júgi aýyr ekenin túsinemin, árıne. Qalaı bolǵanda da bir memlekettiń qaýipsizdigi men ıgiligi úshin, osy memlekettiń halqyna jaýaptysyń. Degenmen, prezıdent bolsań, syı-qurmetke de bólenesiń, jasyratyn nesi bar. Adam kún saıyn prezıdent bolmaıdy, ásirese, bizdiń jaǵdaıymyzda, - deıdi Toqaev suqbat barysynda.
