قاسىم-جومارت توقاەۆ "پرەزيدەنت 2.0" دەرەكتٸ فيلمٸندە ٶزٸنٸڭ پرەزيدەنت اتانعان العاشقى كٷندەرٸن ەسكە الدى, دەپ حابارلايدى Dalanews.kz.
مەملەكەت باسشىسى رەسەيلٸك جۋرناليست الەكسەي پيۆوۆاروۆقا سۇقبات بەردٸ.
پرەزيدەنت باستاپقى كەزدەرٸ ٶزٸنٸڭ جاڭا لاۋازىمىنا ٷيرەنە الماي جٷرگەنٸن مويىندادى.
– العاشقى كٷندەرٸ جاڭا لاۋازىمعا ٷيرەنە الماي جٷرگەنٸمدٸ مويىندايمىن. ەسٸرەسە, كٶپشٸلٸك جينالعان ٸس-شارالاردا "پرەزيدەنت!", "پرەزيدەنت!" دەگەندە, نۇرسۇلتان ەبٸشۇلى كەلٸپ قالعان شىعار دەپ, جان-جاعىما قارايلايتىن ەدٸم. بٸراق بۇل ۋاقىتشا عانا نەرسە ەكەن. جاقسى نەرسەگە تەز ٷيرەنەسٸڭ. بۇل لاۋازىمنىڭ جٷگٸ اۋىر ەكەنٸن تٷسٸنەمٸن, ەرينە. قالاي بولعاندا دا بٸر مەملەكەتتٸڭ قاۋٸپسٸزدٸگٸ مەن يگٸلٸگٸ ٷشٸن, وسى مەملەكەتتٸڭ حالقىنا جاۋاپتىسىڭ. دەگەنمەن, پرەزيدەنت بولساڭ, سىي-قۇرمەتكە دە بٶلەنەسٸڭ, جاسىراتىن نەسٸ بار. ادام كٷن سايىن پرەزيدەنت بولمايدى, ەسٸرەسە, بٸزدٸڭ جاعدايىمىزدا, - دەيدٸ توقاەۆ سۇقبات بارىسىندا.
