Prezident ákimshiliginde aýys-túiis júrdi, bólim meńgerýshileriniń biri aýysty, – dep habarlaidy Dalanews.kz.
Aidyn Qulseiitov Qazaqstan Respýblikasy Prezidenti Ákimshiliginiń Áleýmettik-ekonomikalyq saiasat bóliminiń meńgerýshisi laýazymynan bosatyldy.
Onyń ornyna Raqymjan Ernazar Qazaqstan Respýblikasy Prezidenti Ákimshiliginiń Áleýmettik-ekonomikalyq saiasat bóliminiń meńgerýshisi laýazymyna taǵaiyndaldy.
Aidyn Qulseiitov pen Raqymjan Ernazar týraly ne belgili?
Aidyn Qulseiitov 1976 jyly Óskemen qalasynda týǵan. 1997 jyly Batys-Qazaqstan memlekettik tehnikalyq ýniversitetin; 2004 jyly Qazaqtan Respýblikasy Prezidentiniń janyndaǵy Memlekettik qyzmet akademiiasyn aiaqtaǵan. Tehnika ǵylymdarynyń kandidaty.
- 1996-2000 jyldary kommertsiialyq qurylymdarda jumys istegen.
- 2000-2003 jyldary Óskemen qalasynyń Indýstriia, saýda jáne shaǵyn biznes basqarmasynyń Indýstriia jáne ekologiia bóliminiń bas mamany, bastyǵy boldy.
- 2003-2004 jyldary – Qazaqstan Respýblikasy Prezidentiniń janyndaǵy Memlekettik qyzmet akademiiasynyń tyńdaýshysy.
- 2004-2008 jyldary – Qazaqstan Respýblikasy Indýstriia jáne saýda ministrliginiń Tutyný taýarlar bóliminiń bastyǵy, Ónerkásiptiń taý-ken jáne óńdeý salalary basqarmasynyń, Indýstrialdyq saiasat departamentiniń direktory, Hatshylyq – Strategiialyq josparlaý jáne jinaqy taldaý departamentiniń direktory, Qazaqstan Respýblikasy Energetika jáne mineraldyq resýrstar ministrliginiń Strategiialyq josparlaý jáne salaaralyq úilestirý departamentiniń direktory.
- 2008-2009 jyldary – Qazaqstan Respýblikasy Prezidenti Ákimshiliginiń Áleýmettik-ekonomikalyq monitoring bólimi meńgerýshisiniń orynbasary.
- 2009-2014 jyldary – «Ulttyq innovatsiialyq qor» AQ basqarma tóraǵasy (qaita uiymdastyrýdan keiin «Tehnologiialyq damý jónindegi ulttyq agenttik»).
- 2014-2017 jyldary – «Qazaqstandyq indýstriia damytý institýty» AQ-nyń basqarma tóraǵasy.
- 2017-2019 jyldary - Qazaqstan Respýblikasy Prezidenti Ákimshiliginiń Strategiialyq ázirlemeler jáne taldaý ortalyǵynyń meńgerýshisi.
- 2019 jylǵy 22 shildede Strategiialyq josparlaý bóliminiń meńgerýshisi bolyp taǵaiyndaldy.
Raqymjan Ernazar týraly ashyq derekkózderde kóp málimet joq. Buǵan deiin ol QR Prezidenti ákimshiligi Strategiialyq josparlaý bóliminiń meńgerýshisi qyzmetin atqarǵan.
