Memleket basshysy Tájikstan prezidenti Emomali Rahmonmen kezdesý ótkizdi, dep habarlaidy Dalanews.kz.
Prezidentter Qazaqstan men Tájikstannyń strategiialyq seriktestigin odan ári nyǵaitýǵa beiil ekenderin rastady.
Taraptar buǵan deiin joǵary deńgeide qol jetkizilgen ýaǵdalastyqtardy tolyq júzege asyrýdyń mańyzyna toqtaldy.
Sondai-aq, óńirlik jáne halyqaralyq kún tártibindegi ózekti máseleler jóninde pikir almasty.
Qasym-Jomart Toqaev Emomali Rahmonǵa «Ortalyq Aziia – Resei» sammitin, sonymen qatar TMD memleketter basshylary keńesiniń otyrysyn tabysty ótkizýge tilektestik bildirdi.
