Bizdiń qoǵam partiia qurylysynyń jańa sapalyq kezeńine ótetindei dárejege jetti. Bul týraly Memleket basshysy elordada ótip jatqan Ulttyq qoǵamdyq senim keńesiniń ekinshi otyrysynda aitty, dep habarlady Dalanews.kz.
Bul týraly Twitter-degi Aqordanyń baspasóz paraqshasynda jariialandy.
"Tirkeý úshin partiia músheleri sanynyń tómengi shegin eki esege azaitýdy usynamyn, iaǵni 20 myńǵa deiin. Jalpy, partiialarǵa jáne sailaýǵa qatysty zańdardy birte-birte ózgertýimiz kerek", - dedi Qasym-Jomart Toqaev
Óz sózinde Prezident parlamenttik oppozitsiia institýty qajet ekenin aitty.
"Ol úshin "Parlament týraly" zańdy saiasi azshylyqqa kepildik beretin normalarmen tolyqtyrý kerek. Bul biliktiń zań shyǵarý tarmaǵyndaǵy balamaly qyzmettiń júieli jumysyn qamtamasyz etýge múmkindik beredi", - dedi Prezident.
