ءبىزدىڭ قوعام پارتيا قۇرىلىسىنىڭ جاڭا ساپالىق كەزەڭىنە وتەتىندەي دارەجەگە جەتتى. بۇل تۋرالى مەملەكەت باسشىسى ەلوردادا ءوتىپ جاتقان ۇلتتىق قوعامدىق سەنىم كەڭەسىنىڭ ەكىنشى وتىرىسىندا ايتتى، دەپ حابارلادى Dalanews.kz.
بۇل تۋرالى تwitter-دەگى اقوردانىڭ باسپا ءسوز پاراقشاسىندا جاريالاندى.
"تىركەۋ ءۇشىن پارتيا مۇشەلەرى سانىنىڭ تومەنگى شەگىن ەكى ەسەگە ازايتۋدى ۇسىنامىن، ياعني 20 مىڭعا دەيىن. جالپى، پارتيالارعا جانە سايلاۋعا قاتىستى زاڭداردى بىرتە-بىرتە وزگەرتۋىمىز كەرەك"، - دەدى قاسىم-جومارت توقايەۆ
ءوز سوزىندە پرەزيدەنت پارلامەنتتىك وپپوزيسيا ينستيتۋتى قاجەت ەكەنىن ايتتى.
"ول ءۇشىن "پارلامەنت تۋرالى" زاڭدى ساياسي ازشىلىققا كەپىلدىك بەرەتىن نورمالارمەن تولىقتىرۋ كەرەك. بۇل بيلىكتىڭ زاڭ شىعارۋ تارماعىنداعى بالامالى قىزمەتتىڭ جۇيەلى جۇمىسىن قامتاماسىز ەتۋگە مۇمكىندىك بەرەدى"، - دەدى پرەزيدەنت.
