Qasym-Jomart Toqaev "Beibitshilik pen quqyqqa negizdelgen bolashaq" atty konstitýtsiialyq sot tóreliginiń halyqaralyq forýmyna qatysýshylarmen kezdesti, - dep habarlaidy Dalanews.kz.
Qasym-Jomart Toqaev jiyn qatysýshylaryna jýyrda Qazaqstan halqyna arnaǵan joldaýynyń mán-mazmuny jaiynda málimet berdi.
"Joldaýda bizdiń jańǵyrýǵa, innovatsiiaǵa, ornyqty damýǵa, ǵalamdyq kún tártibindegi Qazaqstannyń bedelin nyǵaitýǵa, halyqaralyq yntymaqtastyqtyń jańa múmkindikterin ilgeriletýge qatysty ustanymymyz kórinis tapty. Sheteldik seriktesterimizdiń osy basymdyqtardy aiqyn túsingeni óte mańyzdy dep sanaimyn. Basty maqsat – Qazaqstandy tehnologiialyq turǵydan ozyq elge ainaldyrý. Sondyqtan jasandy intellektiniń qoldaný aiasyn keńeitý jáne jappai tsifrlandyrý jańa ulttyq ideiaǵa ainalady", – dedi Qasym-Jomart Toqaev.
Budan bólek Memleket basshysy Parlament júiesinde aldaǵy ýaqytta bolatyn ózgeristerge toqtaldy.
"Ashyǵyn aitqanda, bul reforma saiasi júiemizdiń institýtsionaldy bazasyn nyǵaitýdy kózdeidi. Parlamenttik respýblikaǵa ainalý máselesi kún tártibinde turǵan joq. «Kúshti Prezident – yqpaldy Parlament – esep beretin Úkimet» qaǵidaty saqtalady. Jalpyulttyq referendým ótkizý týraly usynys bul tujyrymdamanyń ómirsheńdigin kórsetedi. Elimizdiń bolashaǵyna qatysty sheshimderdi birlesip qabyldaý qajet. Sol sebepti men saiasi josparlarymyz týraly aldyn ala aitamyn. Buǵan deiingi reformalar kezinde de, AES qurylysyna qatysty referendým ótkizgende de osy ustanymnan ainyǵan joqpyz", – dedi Prezident.
