Prezident Qasym-Jomart Toqaev Quryltaiǵa Oljas Bektenovtiń kandidatýrasyn Premer-ministr qyzmetine usyndy, dep habarlaidy Dala News.
Memleket basshysy Quryltaidaǵy saiasi partiialar fraktsiialarynyń jetekshilerimen kezdesý ótkizdi. Kezdesý barysynda Prezident jańa Konstitýtsiianyń 46-babyna sáikes Premer-ministr kandidatýrasy boiynsha fraktsiia jetekshilerimen keńesýi tiis ekenin aitty.
«Toqaev Quryltaidaǵy saiasi partiialar fraktsiialarynyń jetekshilerimen kezdesti. Fraktsiia jetekshilerine sóz arnaǵan Prezident Qazaqstannyń jańa Konstitýtsiiasynyń 46-babyna sáikes Oljas Bektenovtiń Premer-ministr qyzmetine kandidatýrasy boiynsha olarmen keńesýi tiis ekenin habarlady», – delingen Aqorda habarlamasynda.
Kezdesýge «Ádilet» partiiasy fraktsiiasynyń jetekshisi Erbol Adaev, «Aýyl» halyqtyq-demokratiialyq patriottyq partiiasynyń jetekshisi Qairat Aitýǵanov, Respublica partiiasynyń jetekshisi Aidarbek Qojanazarov, «Aq jol» demokratiialyq partiiasynyń jetekshisi Daniia Espaeva jáne Jalpyulttyq sotsial-demokratiialyq partiianyń jetekshisi Ashat Rahymjanov qatysty.
Qazirgi ýaqytta Oljas Bektenov Premer-ministrdiń mindetin atqarýshy mártebesinde otyr.
Bektenov Úkimetti alǵash ret 2024 jylǵy aqpanda basqardy. Oǵan deiin, 2023 jylǵy sáýirden bastap Prezident Ákimshiliginiń basshysy qyzmetin atqarǵan. Al buǵan deiin, 2022 jylǵy aqpannan bastap, Sybailas jemqorlyqqa qarsy is-qimyl agenttiginiń tóraǵasy boldy.
