"Qyrkúiek aiynda Almatyda bolǵan tragediia qoǵamdy dúr silkindirdi. Bul esh sebeppen aqtap alýǵa bolmaityn qylmys. Biz barlyq máseleler qatań túrde zańǵa sáikes sheshilýi kerek quqyqtyq memlekette ómir súrip jatyrmyz. Óz betinshe jaza qurastyrýǵa eshkimniń quqy joq.
Bul qaiǵyly jaǵdai qaryz alýshylardyń qaryz mindettemelerin oryndamaý máselesin júieli túrde sheshý qajettigin, múlikti alý men iske asyrýdyń jetilmegendigin, ashyq emestigin, bankterdiń kepilge salynǵan jyljymaityn múlikti durys baǵalamaýyn kórsetedi", - dedi Memleket basshysy.
Qazirgi tańda Qazaqstanda 540 myń adamnyń 90 kúnnen astam merzimi ótken bereshegi bar. Jalpy kólemi – 354 mlrd teńge. Osyǵan bailanysty prezident qarjy sektoryna nuqsan keltirmei qaryz alýshylardy qoldaý sharalaryn qabyldaý qajettigin aitty.
"Qarjy sektoryna ziian keltirmei, qaryz alýshylardy qoldaý úshin saralanǵan sharalar qabyldaý qajet. Ekinshi deńgeili bankterdiń kepil saiasaty ikemdiligin qamtamasyz etip, baǵalaý qyzmetin retteýdi kúsheitý kerek. Qaryz alýshyǵa kepildegi múlkin májbúrlep óndirý sharasy qoldanylǵanǵa deiin úsh ai ishinde óz betinshe satý quqyǵyn berý kerek.
Eger qaryz alýshynyń satylǵan múligi negizgi boryshty óteýge jetpese, qalǵan bereshek esepten shyǵarylýy kerek. Eger merzimi ótken bereshektiń mólsheri onyń baǵalaý qunynyń 15%-ynan az bolsa, kepil múlkin óndirip alýdy shekteý qajet. Al merzimin ótkizip alý – 6 aidan aspaýy kerek. Biraq bul úshin boryshkerdiń basqa múlki bolmaýy kerek jáne tabysy eń tómengi ailyq eseptiń kórsetkishtiń eki eselengen mólsherinen aspaǵany jón", - dedi prezident", - dedi Toqaev.
Sondai-aq Toqaev aýktsiondyq saýda-sattyqtyń ashyqtyǵy men ádildigin qamtamasyz etý qajet ekenine toqtaldy.
"Aýktsionǵa shyǵarylǵan kepildegi múlik baǵalaý qunynyń 70%-inen tómen baǵaǵa satylmaýǵa tiis. Mundai saýda-sattyqqa kepil ustaýshylardy, iaǵni bankterdi, olardyń qyzmetkerlerin, úlestes jáne senimdi tulǵalaryn jiberýge bolmaidy. Saýda-sattyqqa boryshker men jaqyn týysqandarynyń bir mezette qatysýyn boldyrmaý kerek", - dedi Toqaev.
Budan bólek, ol baǵalaýshyǵa qoiylatyn talaptardy qatańdatý kerek ekenin atap ótti. Aitýynsha, olardyń jumys tájiribesi úsh jyldan kem bolmaýy kerek. Sonymen qatar baǵalaýshylar ár úsh jyl saiyn biliktilikti arttyrý kýrstarynan ótýge tiis.
Toqaev úkimet pen ultttyq bankke jyl sońyna deiin tiisti zańnamalyq normalar paketin ázirleýdi tapsyrdy.
