Memleket basshysy "Qazaqstan Respýblikasynyń keibir zańnamalyq aktilerine orman sharýashylyǵy, erekshe qorǵalatyn tabiǵi aýmaqtar jáne jeke kásipkerlik sýbektileriniń mindettemelerine kepildik berý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń zańyna qol qoidy, dep habarlaidy Dalanews.kz.
Zań boiynsha Jer, Orman, Kásipkerlik, Eńbek jáne Biýdjet kodeksterine, sondai-aq, 9 zańǵa túzetýler engizildi.
- Túzetýlerdiń birinshi blogy erekshe qorǵalatyn tabiǵi aýmaqtar (EQTA) salasyndaǵy zańnamany jetildirýge baǵyttalǵan. Zańmen EQTA jerlerin ózge sanattaǵy jerlerge aýystyrý negizderi qaita qaraldy.
- Túzetýlerdiń ekinshi blogy halyqtyń qaýipsizdigin qamtamasyz etýge jáne EQTA aýmaqtarynda qorshaǵan ortaǵa ziian keltirýdiń aldyn alýǵa baǵyttalǵan.
- Úshinshi blok Astana qalasynyń "jasyl beldeýin" qorǵaýdy jáne utymdy paidalanýdy qamtamasyz etýge baǵyttalǵan.
- Túzetýlerdiń tórtinshi blogy kómirtekti ofsetterdiń máselelerin retteidi. Zań Orman kodeksi erejeleriniń qoldanylýy jańa orman ekpelerin otyrǵyzý, sondai-aq, tozǵan jáne buzylǵan jerlerdi qalpyna keltirý arqyly parnik gazdardy sińirýge baǵyttalǵan memlekettik orman qory jerlerinde satylatyn kómirtekti ofsetterdi satý jónindegi qyzmetke taratyldy.
- Túzetýlerdiń besinshi blogy EQTA salasyndaǵy qyzmetkerlerdiń áleýmettik qorǵalýyn qamtamasyz etýge baǵyttalǵan.
- Túzetýlerdiń altynshy blogy biznes sýbektileriniń qaryzdaryna kepildik berý júiesin engizýdi kózdeidi. Kepildik berý júiesiniń maqsaty - kásipkerlik sýbektilerine ekinshi deńgeidegi bankterden kreditter alý úshin olardyń kepilmen qamtamasyz etilýi jetkiliksiz bolǵan kezde qajet qarjylandyrý kóleminiń qoljetimdiligin qamtamasyz etý.
