مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ورمان شارۋاشىلىعى، ەرەكشە قورعالاتىن تابيعي اۋماقتار جانە جەكە كاسىپكەرلىك سۋبەكتىلەرىنىڭ مىندەتتەمەلەرىنە كەپىلدىك بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى، دەپ حابارلايدى Dalanews.kz.
زاڭ بويىنشا جەر، ورمان، كاسىپكەرلىك، ەڭبەك جانە بيۋدجەت كودەكستەرىنە، سونداي-اق، 9 زاڭعا تۇزەتۋلەر ەنگىزىلدى.
- تۇزەتۋلەردىڭ ءبىرىنشى بلوگى ەرەكشە قورعالاتىن تابيعي اۋماقتار (ەقتا) سالاسىنداعى زاڭنامانى جەتىلدىرۋگە باعىتتالعان. زاڭمەن ەقتا جەرلەرىن وزگە ساناتتاعى جەرلەرگە اۋىستىرۋ نەگىزدەرى قايتا قارالدى.
- تۇزەتۋلەردىڭ ەكىنشى بلوگى حالىقتىڭ قاۋىپسىزدىگىن قامتاماسىز ەتۋگە جانە ەقتا اۋماقتارىندا قورشاعان ورتاعا زيان كەلتىرۋدىڭ الدىن الۋعا باعىتتالعان.
- ءۇشىنشى بلوك استانا قالاسىنىڭ "جاسىل بەلدەۋىن" قورعاۋدى جانە ۇتىمدى پايدالانۋدى قامتاماسىز ەتۋگە باعىتتالعان.
- تۇزەتۋلەردىڭ ءتورتىنشى بلوگى كومىرتەكتى وفسەتتەردىڭ ماسەلەلەرىن رەتتەيدى. زاڭ ورمان كودەكسى ەرەجەلەرىنىڭ قولدانىلۋى جاڭا ورمان ەكپەلەرىن وتىرعىزۋ، سونداي-اق، توزعان جانە بۇزىلعان جەرلەردى قالپىنا كەلتىرۋ ارقىلى پارنيك گازداردى سىڭىرۋگە باعىتتالعان مەملەكەتتىك ورمان قورى جەرلەرىندە ساتىلاتىن كومىرتەكتى وفسەتتەردى ساتۋ جونىندەگى قىزمەتكە تاراتىلدى.
- تۇزەتۋلەردىڭ بەسىنشى بلوگى ەقتا سالاسىنداعى قىزمەتكەرلەردىڭ الەۋمەتتىك قورعالۋىن قامتاماسىز ەتۋگە باعىتتالعان.
- تۇزەتۋلەردىڭ التىنشى بلوگى بيزنەس سۋبەكتىلەرىنىڭ قارىزدارىنا كەپىلدىك بەرۋ جۇيەسىن ەنگىزۋدى كوزدەيدى. كەپىلدىك بەرۋ جۇيەسىنىڭ ماقساتى - كاسىپكەرلىك سۋبەكتىلەرىنە ەكىنشى دەڭگەيدەگى بانكتەردەن كرەديتتەر الۋ ءۇشىن ولاردىڭ كەپىلمەن قامتاماسىز ەتىلۋى جەتكىلىكسىز بولعان كەزدە قاجەت قارجىلاندىرۋ كولەمىنىڭ قولجەتىمدىلىگىن قامتاماسىز ەتۋ.
