"Úkimetti basqaratyn Asqar Maminniń biliktiligi, kásibiligi joǵary. Búgingi jiynda men aitqan tapsyrmalardy oidaǵydai oryndaryna senimdimin. Úkimettiń jumysyna tabys tileimin", – dedi Toqaev.
Óz kezeginde premer Asqar Mamin Úkimet jumysyna senim artqan Memleket basshysyna alǵys aityp, aldaǵy ýaqytta atqarylar jumysqa toqtalyp ótti.
"Biylǵy elimizde 17 myńǵa tarta jumys orny qurylady", – dedi Mamin.
Onyń aitýynsha álemdik daǵdarysqa qaramai Qazaqstan ekonomikasy turaqty damý jolynda keledi. Byltyr ishki jalpy ónimniń ósimi 4,5 paiyzdy quraǵan, munyń 85 paiyzy shikizattyq emes salalardyń esebinen qamtamasyz etilgen.
Úkimetbasy atap ótkendei negizgi ósim qurylys, saýda jáne tasymal salasynda baiqalǵan. Óńdeý ónerkásibindegi ósim byltyr 4,4 paiyzdy, taý-ken salasynda 3,7 paiyzdy qurady.
