Bul týraly Twitter-de Prezident Qasym-Jomart Toqaev jazdy.
"DDSU koronavirýsty pandemiia dep jariialady. Úkimet arnaiy aldyn alý sharalaryn qolǵa alady. Qoǵamdyq is-sharalar ýaqytsha toqtatylady. Azamattar azyq-túlikpen jáne eń qajetti taýarlarmen úzdiksiz qamtylady. Shaǵyn jáne orta biznes zardap shekpeýi tiis" dep jazdy Prezident.
Sondai-aq Memleket basshysy óz jazbasyna: "Eń bastysy – azamattarymyzdyń densaýlyǵy. Biz qiynshylyqtardy #Birge eńseremiz" dep qosty.
Aita ketelik buǵan deiin DDSU álemge jappai jaiylǵan koronavirýsty indet dep tanydy.
Aldaǵy kúnderi jáne aptada biz zardap shekken elderdiń sany kóbeietinin jáne ólim-jitimniń artatynyn boljaimyz, - dedi Dúniejúzilik Densaýlyq saqtaý uiymynyń (DDSU) bas direktory Tedros Gebreiiýs Jenevada ótken brifingtiń tikelei efirinde.
Sonymen qatar ol DDSU koronavirýsty pandemiia retinde baǵalaý týraly sheshim shyǵarǵanyn jetkizdi.
11 naýryzdaǵy jaǵdai boiynsha álemde jańa koronavirýstyq infektsiiany juqtyrǵandardyń jalpy sany 114 elde 118 myń adamdy qurady. 4291 naýqas qaitys boldy.
Pandemiia (grekshe «barlyq halyq») - bul búkil elde, kórshi memleketterdiń aýmaǵyna, keide álemniń kóptegen elderinde (mysaly, tyrysqaq, tumaý) infektsiialyq aýrýdyń jappai taraýymen sipattalatyn erekshe kúshti indet (mysaly, bezgek, tumaý).
Sońǵy ret DDSU «shoshqa tumaýy» dep atalatyn H1N1 virýsyn pandemiia dep tanyǵan.
