بۇل تۋرالى Twitter-دە پرەزيدەنت قاسىم-جومارت توقايەۆ جازدى.
"ددسۇ كوروناۆيرۋستى پاندەميا دەپ جاريالادى. ۇكىمەت ارنايى الدىن الۋ شارالارىن قولعا الادى. قوعامدىق ءىس-شارالار ۋاقىتشا توقتاتىلادى. ازاماتتار ازىق-تۇلىكپەن جانە ەڭ قاجەتتى تاۋارلارمەن ۇزدىكسىز قامتىلادى. شاعىن جانە ورتا بيزنەس زارداپ شەكپەۋى ءتيىس" دەپ جازدى پرەزيدەنت.
سونداي-اق مەملەكەت باسشىسى ءوز جازباسىنا: "ەڭ باستىسى – ازاماتتارىمىزدىڭ دەنساۋلىعى. ءبىز قيىنشىلىقتاردى #Birge ەڭسەرەمىز" دەپ قوستى.
ايتا كەتەلىك بۇعان دەيىن ددسۇ الەمگە جاپپاي جايىلعان كوروناۆيرۋستى ىندەت دەپ تانىدى.
الداعى كۇندەرى جانە اپتادا ءبىز زارداپ شەككەن ەلدەردىڭ سانى كوبەيەتىنىن جانە ءولىم-جىتىمنىڭ ارتاتىنىن بولجايمىز، - دەدى دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس گەبرەيۋس جەنيەۆادا وتكەن بريفينگتىڭ تىكەلەي ەفيرىندە.
سونىمەن قاتار ول ددسۇ كوروناۆيرۋستى پاندەميا رەتىندە باعالاۋ تۋرالى شەشىم شىعارعانىن جەتكىزدى.
11 ناۋرىزداعى جاعداي بويىنشا الەمدە جاڭا كوروناۆيرۋستىق ينفەكسيانى جۇقتىرعانداردىڭ جالپى سانى 114 ەلدە 118 مىڭ ادامدى قۇرادى. 4291 ناۋقاس قايتىس بولدى.
پاندەميا (گرەكشە «بارلىق حالىق») - بۇل بۇكىل ەلدە، كورشى مەملەكەتتەردىڭ اۋماعىنا، كەيدە الەمنىڭ كوپتەگەن ەلدەرىندە (مىسالى، تىرىسقاق، تۇماۋ) ينفەكسيالىق اۋرۋدىڭ جاپپاي تاراۋىمەن سيپاتتالاتىن ەرەكشە كۇشتى ىندەت (مىسالى، بەزگەك، تۇماۋ).
سوڭعى رەت ددسۇ «شوشقا تۇماۋى» دەپ اتالاتىن H1N1 ۆيرۋسىن پاندەميا دەپ تانىعان.
