Prezident Qasym-Jomart Toqaev LGBT nasihatyna tyiym salýdy kózdeitin zańnamalyq túzetýlerge qol qoidy, dep habarlaidy Dalanews.kz.
Parlamenttegi talqylaýlar barysynda ádilet vitse-ministri Botagóz Jaqselekova LGBT ókilderine jatatynyn moiyndaý Qazaqstan zańnamasy men halyqaralyq quqyq normalary boiynsha quqyqbuzýshylyq bolyp sanalmaitynyn atap ótti. Sondyqtan bul úshin jaýapkershilik kózdelmeidi.
Onyń aitýynsha, jaýapkershilik tek mundai qatynastardy nasihattaǵan jaǵdaida ǵana qarastyrylady. Vitse-ministrdiń málimetinshe, atalǵan norma Qazaqstan ratifikatsiialaǵan halyqaralyq sharttarǵa qaishy emes.
Mádeniet jáne aqparat vitse-ministri Evgenii Kochetov ta túsindirme berdi. Onyń sózinshe, LGBT nasihatyna qatysty arnaiy jaza túrleri engizilmeidi. Bul áreket "quqyqqa qarsy kontent taratý" retinde baǵalanady.
Qoldanystaǵy normalarǵa sáikes:
- mundai kontent taratqandarǵa 20 ailyq eseptik kórsetkish kóleminde aiyppul salynady;
- qaitalanǵan jaǵdaida 10 táýlikke deiin ákimshilik qamaýǵa alý qarastyrylǵan.
