"Memleket basshysy retinde taǵy da málimdeimin: jerimiz sheteldikterge satylmaidy. Oǵan jol berilmeidi.
Bul másele boiynsha qaýeset taratýdy doǵarý kerek. Biraq jerdi tiimdi paidalanýdy qamtamasyz etý – bizdiń mindetimiz.
Jer resýrstaryn tiimsiz paidalaný máselesi óte ózekti bolyp otyr. Jerge salynatyn tikelei salyqtar deńgeiiniń tómendigi jaǵdaidy kúrdelendire tústi.
Memleketten jerdi tegin jalǵa alý quqyǵyna ie bolǵandardyń kópshiligi jerdi igermei, bosqa ustap otyr. Elimizde "shóp qoryǵan ittiń" kebin kigen "latifýndister" kóbeiip ketti.
Paidalanylmai jatqan aýyl sharýashylyǵy jerlerin qaitaryp alatyn kez keldi. Jer – bizdiń ortaq bailyǵymyz jáne ony kim igerse, soǵan tiesili bolýy tiis.
Úkimet pen Parlament osy túitkildi retteýdiń tiimdi joldaryn usynýy kerek.
Bul – óte mańyzdy másele. Muny sheshpei, otandyq agroónerkásip kesheniniń sapaly damýy múmkin emes.
