"مەملەكەت باسشىسى رەتٸندە تاعى دا مەلٸمدەيمٸن: جەرٸمٸز شەتەلدٸكتەرگە ساتىلمايدى. وعان جول بەرٸلمەيدٸ.
بۇل مەسەلە بويىنشا قاۋەسەت تاراتۋدى دوعارۋ كەرەك. بٸراق جەردٸ تيٸمدٸ پايدالانۋدى قامتاماسىز ەتۋ – بٸزدٸڭ مٸندەتٸمٸز.
جەر رەسۋرستارىن تيٸمسٸز پايدالانۋ مەسەلەسٸ ٶتە ٶزەكتٸ بولىپ وتىر. جەرگە سالىناتىن تٸكەلەي سالىقتار دەڭگەيٸنٸڭ تٶمەندٸگٸ جاعدايدى كٷردەلەندٸرە تٷستٸ.
مەملەكەتتەن جەردٸ تەگٸن جالعا الۋ قۇقىعىنا يە بولعانداردىڭ كٶپشٸلٸگٸ جەردٸ يگەرمەي, بوسقا ۇستاپ وتىر. ەلٸمٸزدە "شٶپ قورىعان يتتٸڭ" كەبٸن كيگەن "لاتيفۋنديستەر" كٶبەيٸپ كەتتٸ.
پايدالانىلماي جاتقان اۋىل شارۋاشىلىعى جەرلەرٸن قايتارىپ الاتىن كەز كەلدٸ. جەر – بٸزدٸڭ ورتاق بايلىعىمىز جەنە ونى كٸم يگەرسە, سوعان تيەسٸلٸ بولۋى تيٸس.
ٷكٸمەت پەن پارلامەنت وسى تٷيتكٸلدٸ رەتتەۋدٸڭ تيٸمدٸ جولدارىن ۇسىنۋى كەرەك.
بۇل – ٶتە ماڭىزدى مەسەلە. مۇنى شەشپەي, وتاندىق اگروٶنەركەسٸپ كەشەنٸنٸڭ ساپالى دامۋى مٷمكٸن ەمەس.
