Memleket basshysy Qasym-Jomart Toqaev Nur-Sultan qalasynyń ákimi Altaı Kólginovti qabyldady, dep habarlaıdy Aqorda.
Qasym-Jomart Toqaevqa Nur-Sultan qalasynyń 2019 jyldyń áleýmettik-ekonomıkalyq kórsetkishteri týraly esebi berilip, Prezıdenttiń Elordany damytý jónindegi keńeste bergen tapsyrmalarynyń oryndalý barysy jaıynda baıandaldy.
Sonymen qatar Altaı Kólginov Memleket basshysyna qalany abattandyrý jáne jylytý maýsymy jaıynda aqparat berdi.
Prezıdent ákimge jumyspen qamtý, az qamtylǵan otbasylardy qoldaý, úleskerlerdiń máselesin túbegeıli sheshý jáne Nur-Sultan qalasynyń ınfraqurylymdyq damýy boıynsha berilgen tapsyrmalardy sapaly jáne ýaqytyly oryndaý kerektigin atap aıtty.
