مەملەكەت باسشىسى قاسىم-جومارت توقايەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى اقوردا.
قاسىم-جومارت توقايەۆقا نۇر-سۇلتان قالاسىنىڭ 2019 جىلدىڭ الەۋمەتتىك-ەكونوميكالىق كورسەتكىشتەرى تۋرالى ەسەبى بەرىلىپ، پرەزيدەنتتىڭ ەلوردانى دامىتۋ جونىندەگى كەڭەستە بەرگەن تاپسىرمالارىنىڭ ورىندالۋ بارىسى جايىندا باياندالدى.
سونىمەن قاتار التاي كولگىنوۆ مەملەكەت باسشىسىنا قالانى اباتتاندىرۋ جانە جىلىتۋ ماۋسىمى جايىندا اقپارات بەردى.
پرەزيدەنت اكىمگە جۇمىسپەن قامتۋ، از قامتىلعان وتباسىلاردى قولداۋ، ۇلەسكەرلەردىڭ ماسەلەسىن تۇبەگەيلى شەشۋ جانە نۇر-سۇلتان قالاسىنىڭ ينفراقۇرىلىمدىق دامۋى بويىنشا بەرىلگەن تاپسىرمالاردى ساپالى جانە ۋاقىتىلى ورىنداۋ كەرەكتىگىن اتاپ ايتتى.
