Prezident Qasym-Jomart Toqaev Atyraýda ótip jatqan Ulttyq quryltaida Joshy ulysy men Rim imperiiasynyń uqsastyǵyn atady, dep habarlaidy Dalanews.kz.
"Biz bolashaqqa senimmen qadam basý úshin tól tarihymyzdyń aýqymy keń ekenin tolyq sezinip, mádeni muramyzdy saqtap, ony dáripteýimiz qajet.
Qazaqstan – Uly daladaǵy kóshpendiler órkenietiniń tikelei murageri. Jer júzine Altyn Orda degen atpen tanylǵan áigili Joshy Ulysy Ortalyq Eýraziianyń baitaq dalasyndaǵy eń qýatty memleket retinde moiyndalǵan. Osy ortaǵasyrlyq derjavanyń geosaiasi murasy birqatar Eýraziia memleketiniń, sonyń ishinde Qazaq handyǵynyń qurylýyna negiz boldy", - dedi Memleket basshysy.
Ol Ulyq Ulystyń jerinde san alýan etnos jáne din ókilderi bir shańyraqtyń astynda ómir súrgenin atap ótti. Túrli mádenietter ózara astasyp, memleket qurý isiniń biregei úlgisi qalyptasty.
"Joshy áýleti 6 ǵasyr boiy Ortalyq Eýraziianyń taǵdyryna tikelei yqpal etti. Ulan-ǵaiyr aýmaqta birtutas órkeniet qurýǵa umtyldy. Joshy ulysy Uly dalany meken etken halyqtardyń san ǵasyrlyq damý baǵdaryn aiqyndap otyrdy. Ulyq ulys memleketti basqarý isin jańa deńgeige kóterdi. Onyń Rim imperiiasymen uqsastyǵy da – osynda", - dedi Qasym-Jomart Toqaev.
