پرەزيدەنت قاسىم-جومارت توقاەۆ اتىراۋدا ٶتٸپ جاتقان ۇلتتىق قۇرىلتايدا جوشى ۇلىسى مەن ريم يمپەريياسىنىڭ ۇقساستىعىن اتادى, دەپ حابارلايدى Dalanews.kz.
"بٸز بولاشاققا سەنٸممەن قادام باسۋ ٷشٸن تٶل تاريحىمىزدىڭ اۋقىمى كەڭ ەكەنٸن تولىق سەزٸنٸپ, مەدەني مۇرامىزدى ساقتاپ, ونى دەرٸپتەۋٸمٸز قاجەت.
قازاقستان – ۇلى دالاداعى كٶشپەندٸلەر ٶركەنيەتٸنٸڭ تٸكەلەي مۇراگەرٸ. جەر جٷزٸنە التىن وردا دەگەن اتپەن تانىلعان ەيگٸلٸ جوشى ۇلىسى ورتالىق ەۋرازييانىڭ بايتاق دالاسىنداعى ەڭ قۋاتتى مەملەكەت رەتٸندە مويىندالعان. وسى ورتاعاسىرلىق دەرجاۆانىڭ گەوساياسي مۇراسى بٸرقاتار ەۋرازييا مەملەكەتٸنٸڭ, سونىڭ ٸشٸندە قازاق حاندىعىنىڭ قۇرىلۋىنا نەگٸز بولدى", - دەدٸ مەملەكەت باسشىسى.
ول ۇلىق ۇلىستىڭ جەرٸندە سان الۋان ەتنوس جەنە دٸن ٶكٸلدەرٸ بٸر شاڭىراقتىڭ استىندا ٶمٸر سٷرگەنٸن اتاپ ٶتتٸ. تٷرلٸ مەدەنيەتتەر ٶزارا استاسىپ, مەملەكەت قۇرۋ ٸسٸنٸڭ بٸرەگەي ٷلگٸسٸ قالىپتاستى.
"جوشى ەۋلەتٸ 6 عاسىر بويى ورتالىق ەۋرازييانىڭ تاعدىرىنا تٸكەلەي ىقپال ەتتٸ. ۇلان-عايىر اۋماقتا بٸرتۇتاس ٶركەنيەت قۇرۋعا ۇمتىلدى. جوشى ۇلىسى ۇلى دالانى مەكەن ەتكەن حالىقتاردىڭ سان عاسىرلىق دامۋ باعدارىن ايقىنداپ وتىردى. ۇلىق ۇلىس مەملەكەتتٸ باسقارۋ ٸسٸن جاڭا دەڭگەيگە كٶتەردٸ. ونىڭ ريم يمپەريياسىمەن ۇقساستىعى دا – وسىندا", - دەدٸ قاسىم-جومارت توقاەۆ.
