Prezident Qasym-Jomart Toqaev Joǵary aýditorlyq palatanyń fýnktsiiasyna ózgerister engizdi. Budan bylai, endi Joǵary aýditorlyq palata sotqa óz betinshe talap qoia alady, dep habarlaidy Dalanews.kz.
Memleket basshysy Qasym-Jomart Toqaevtyń Jarlyǵymen Joǵary aýditorlyq palata týraly erejege ózgerister men tolyqtyrýlar engizildi.
Memleket basshysynyń Jarlyǵyna sáikes, onyń ishinde biýdjetke ótemaqy óndirýdi qamtamasyz etý, jumystardy oryndaý, qyzmetterdi kórsetý, taýarlardy jetkizý jáne (nemese) anyqtalǵan buzýshylyqtar somasyn esepte kórsetý jáne (nemese) azaitý, nusqamanyń oryndalýyn qamtamasyz etý maqsatynda sotqa talap qoia alady.
Sondai-aq Joǵary aýditorlyq palatynyń qosymsha fýnktsiialaryna respýblikalyq biýdjet jobasyn shyǵystardyń negizgi baǵyttary boiynsha aldyn ala baǵalaýdy júzege asyrý da kiredi.
Budan bólek, ózgerister saiasi jáne ákimshilik memlekettik qyzmetshiler laýazymdarynyń tizilimine engizildi.
Atap aitqanda, Joǵary aýditorlyq palatanyń tóraǵasy "V" sanatyndaǵy ákimshilik memlekettik laýazymdar korpýsynyń quramyna engizildi.
Jarlyq 2025 jylǵy 18 tamyzdan bastap qoldanysqa engizildi.
Aita ketsek, kúni keshe Memleket basshysy biýdjetti josparlaý máseleleri boiynsha jiyn ótkizdi. Oǵan Joǵary aýditorlyq palata tóraǵasy Álihan Smaiylov ta qatysty. 2025 jyly 19 tamyzda Joǵary aýditorlyq palatada ǵylymdy damytý salasyndaǵy memlekettik aýdittiń qorytyndysy qaralǵany belgili.
